ސަރުކާރުގެ ބޯހިޔާވަހިކަމުގެ ސިޔާސަތާއި ހިޔާ މަޝްރޫޢުގެ ފްލެޓްތައް ދީފައިވާ ގޮތާގުޅޭގޮތުން އާއްމުން ޚިޔާލު ހުށަހެޅުމުގެ ފުރުޞަރު ރައްޔިތުންގެ މަޖިލީހުން ހުޅުވާލައިފިއެވެ.
ރައްޔިތުންގެ މަޖިލީހުން ވިދާޅުވީ މި މަސައްކަތަކީ، މަޖިލީހުގެ ޤައުމީ ތަރައްޤީއާއި ތަރިކައިގެ ކޮމިޓީން ފަށާފައިވާ ދިރާސާއަކަށް ބޭނުންވެގެން އާއްމުންގެ ޚިޔާލު ހޯދުމަށް ހުޅުވާލި ފުރުޞަތެއްކަމަށެވެ.
އެހެންކަމުން ސަރުކާރުން މިހާރު އިޢުލާނުކުރަމުންދާ ބޯހިޔާވަހިކަމުގެ ސިޔާސަތުތަކާ، އަދި މިހާރު ފައިނަލް ލިސްޓް އެކުލަވާލާފައިވާ ހިޔާ މަޝްރޫޢުގެ ފްލެޓްތައް ދިނުމުގައި ގެންގުޅު އުސޫލާ ގުޅޭގޮތުން އެއްވެސް ޚިޔާލެއް ހުށައެޅުމަށް ބޭނުންވާނަމަ، މަޖިލީހަށް ހުށައެޅުމަށްވަނީ އެދިފައެވެ.
ސަރުކާރުގެ ބޯހިޔާވަހިކަމުގެ ސިޔާސަތާއި ހިޔާ މަޝްރޫޢުގެ ފްލެޓްތައް ދިނުމާ ގުޅޭގޮތުން ޢާންމުންގެ ޚިޔާލު ހޯދުމަށް ފުރުޞަތު ހުޅުވާލުން
— People's Majlis (@mvpeoplesmajlis) February 28, 2021
އިޢުލާން: https://t.co/lZa0LvOsOA pic.twitter.com/IsibBp9RXF
ޚިޔާލު ހުށައެޅުމުގެ ފުރުޞަތު ހުޅުވާލާފައިވަނީ އަންނަ މަރޗްމަހުގެ 6ވަނަ ދުވަހުގެ މެންދުރު 14:00ގެ ކުރިން، ކޮމިޓީގެ އީމެއިލް އެޑްރެސް މެދުދުވެރިކޮށެވެ. ޚިޔާލު ހުށައަޅާނީ ކޮމިޓީގެ އީމެއިން [email protected] އަށެވެ. އަދި މަޖިލީހުގެ އިދާރާއަށް ލިޔުމުންވެސް ޚިޔާލު ހުށައެޅޭނެއެވެ.