ހާލުކޮޅުން ދެރަވެގެން ހޮސްޕިޓަލުގައި ފަރުވާ ދެއްވުމަށްފަހު ނާއިބު ރައީސް ފައިސަލް ނަސީމް ހޮސްޕިޓަލުން ދޫކޮށްލައިފިއެވެ.
ރައީސުލްޖުމްހޫރިއްޔާގެ އޮފީހުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ ފަރުވާއަށްފަހު ނާއިބު ރައީސް ހޮސްޕިޓަލުން ދޫކޮށްލާފައިވާކަމަށާއި، އަދި އެމަނިކުފާނުގެ ހާލުކޮޅުވެސް ރަނގަޅުކަމަށެވެ.
Vice President @FaisalNasym has been discharged from the hospital and is in good health. https://t.co/q4WTsMt2dJ
— Mabrook Azeez (@MvSpokesperson) February 27, 2021
ހޮސްޕިޓަލުން ދޫކޮށްލެވުމުން ނާއިބު ރައީސް ފައިސަލް ނަސީމް ކުރެއްވި ޓްވީޓެއްގައި ވަނީ އެމަނިކުފާނަށް ހެޔޮ ދުޢާ ކުރެއްވި ހުރިހާ ފަރާތްތަކަށް ޝުކުރު އަދާކުރައްވާފައެވެ.
Alhamdhlillahi,
— Faisal Naseem (@FaisalNasym) February 27, 2021
Thank you all for the get-well wishes ❤
މިދިޔަ ބުދަދުވަހު ދަރުމަވަންތަ ހޮސްޕިޓަލުގައި ނާއިބު ރައީސް އެޑްމިޓްކުރެއްވީ އާލާސްކަންފުޅާ އުޅުއްވާތީ ޑޮކްޓަރަށް ވަޑައިގެންނެވުމުން އިތުރު ފަރުވާއަށް އެޑްމިޓްކުރަންޖެހޭކަމަށް ޑޮކްޓަރުން ލަފާ ދެއްވުމުންނެވެ.
އެމަނިކުފާނުގެ އާލާސްކަންފުޅާ ގުޅިގެން ކޯވިޑް-19އަށް ޓޭސްޓުކޮށްފައިވާއިރު، އެމަނިކުފާނު ވަނީ ކޯވިޑް-19އަށް ނެގެޓިވްވެފައެވެ.