ގެއްލުނު ފަތުރުވެރިޔާ ހޯދުމުގެ މަސައްކަތް ވައިގެމަގުންވެސް ކުރަމުންދާކަމަށާ، ނަމަވެސް އެމީހާގެ ޚަބަރެއް މިހާތަނަށްވެސް ވެފައި ނުވާކަމަށް އެމްއެންޑީއެފުން ވިދާޅުވެއްޖެއެވެ.
ރ.އަތޮޅު އިންޓަރ ކޮންޓިނެންޓަލް މޯލްޑިވްސް (މާމުނަގައު) ރިސޯޓުން ސްނޯކްލިންގއަށް ދިޔަ އަންހެން ފަތުރުވެރިއެއްގެ ޚަބަރެއް ނުވެގެން ހޯދަން ފެށީ އިއްޔެރޭ ނުވައެއް ޖަހާ އެހައިކަންހާއިރުއެވެ.
މިފަތުރުވެރިއާއާ ބެހޭ އެއްވެސް ޚަބަރެއް ވޭތޯ މިސަރަޙައްދުން ދަތުރުކުރާ އުޅަނދު ފަހަރުންނާއި އެ ހިސާބުގެ ރަށްތަކުން ބައްލަވައިދިނުމަށާ، އެއްވެސް މަޢުލޫމާތެއް ލިބިއްޖެނަމަ ކޯސްޓްގާޑުގެ ހިލޭ ގުޅޭ ނަންބަރު 191އަށް ގުޅުއްވައިދެއްވުން ޙިއްސާކުރުމަށް އެމްއެންޑީއެފުންވަނީ އެދިފައެވެ. އެމްއެންޑީއެފުން މަޢުލޫމާތުދޭ ގޮތުގައި މި އަންހެން މީހާ އެންމެ ފަހުން ލައިގެން ހުރީ ކަޅުކުލައިގެ ރަތްމާ ޖެހި މޫދު ހެދުމެކެވެ.
MNDF Coast Guard and resort divers have searched 7,200sqm & MNDF Dornier has searched 275 sqnm in search of the missing female tourist who went snorkeling alone from Maamunagau Resort. Search is still underway as we continue our efforts to find her. pic.twitter.com/M0afLbu5F8
— Maldives National Defence Force (@MNDF_Official) February 14, 2021
ހާދިސާގެ ރިޕޯޓް ލިބުމާ ގުޅިގެން އެމްއެންޑީއެފް ނޮދަން އޭރިއާ ކޯސްޓްގާޑު ސްކޮޑްރަންއިން ދަނީ އެ މީހާ ހޯދުމުގެ މަސައްކަތް ހުއްޓުމެއް ނެތި ކުރަމުންނެވެ. މިގޮތުން މިއަދުވަނީ އެމްއެންޑީއެފް ޑޯނިއަރ ފްލައިޓު ބޭނުންކޮށްގެން 275 އަކަ ނޯޓިކަލް މޭލުގެ ސަރަޙައްދެއް ވައިގެމަގުން ބަލާފައެވެ.
އަދި ޑައިވްކޮށްގެން 72000 އަކަ މީޓަރުގެ ސަރަހައްދެއް ކޯސްޓްގާޑު ޑައިވަރުންނާއި އެ ރިސޯޓުގެ ޑައިވަރުން ވަނީ ބަލާފައެއެވެ. އަދި މީގެ އިތުރުން ކަނޑުމަގުން ވެސް ފަތުރުވެރިޔާ ހޯދުމުގެ މަސައްކަތް ހުއްޓުމެއްނެތި ދަނީ ކުރަމުންނެވެ.