މަސައްކަތެއް ކުރުމަށްޓަކާ މާލޭ މާފަންނުގެ ބައެއް ސަރަޙައްދުތަކުން މިރޭ 3ގަޑިއިރަށް ފެނުގެ ޚިދުމަތް ކަނޑާލާނެކަމަށް މޯލްޑިވްސް ވޯޓަރ އެންޑް ސުވަރޭޖް ކޮމްޕެނީ އެމްޑަބްލިއުއެސްސީއިން ބުނެފިއެވެ.
މިރޭގެ 23:00އިން ފެށިގެން ދަންވަރު 02:00އާ ހަމައަށްފެން ކަނޑާލުމަށް ނިންމާފައިވަނީ މާލޭ މަގުތަށް ހެދުމަށް ކުރިއަށްގެންދާ "ސްޓްރީޓް ސްކޭޕިންގ ޕްރޮޖެކްޓް"ގެ މަސައްކަތްތަކެއް ކުރިއަށްގެންދިއުމަށެވެ.
ފެނުގެ ޚިދުމަތް މެދުކަނޑާލާ ސަރަޙައްދުތަކަކީ ފުލޫނިޔާ ގޯޅީގައި ހިމެނޭ ހުރިހާ ގޭބީސީތަކާ، ހަވީރީ ހިނގުމާ ފުލޫނިޔާ މަގާ ދެމެދުން ޝަހީދު އަލީ ހިނގުމުގައި ހިމެނޭ ގޭބިސީތަކުންނެވެ. އެމްޑަބްލިއުއެސްސީންވަނީ ހުރިހާ ކަސްޓަމަރުންވެސް މިކަމަށް ސަމާލްވުމަށް އެދިފައެވެ.
އެމްޑަބްލިއުއެސްސީއިން ބުނެފައިވަނީ މި ސަރަޙައްދުތަކުން ފެނުގެ ޚިދުމަތް ކަނޑާލަނީ ޝަހީދު އަލީ ހިނގުމުގައި ކުރިން އަޅާފައިވާ ފެން ހޮޅިއާ މިހާރު އަލަށް އަޅާފައިވާ ފެން ހޮޅި ގުޅާލުމުގެ މަސައްކަތް ކުރިއަށްގެންދިއުމަށްކަމަށެވެ.