ފުލުހުންގެ މައި އިދާރާ--
ފަތުރުވެރިއެއްގެ ދަބަހުން ގެއްލުނު ފައިސާތަކެއް، އޭނާ ދަތުރުކުރި ސީޕްލޭނެއްގެ ކްރޫއެއްގެ އަތުން ފެނުނު މައްސަލަ ބަލަން ފަށައިފިއެވެ.
ފުލުހުން ވިދާޅުވީ ބ.އަތޮޅުގައި ހިންގާ ރިސޯޓަކަށް ދިޔަ ފަތުރުވެރިއެއްގެ ދަބަހަކުން ގެއްލުނު ގިނަ ޢަދަދެއްގެ ފައިސާ، ފަތުރުވެރިޔާ ދަތުރުކުރި ސީޕްލޭންގެ ކެބިން ކްރޫއެއްގެ އަތުން ފެނުނު މައްސަލަ ފުލުހަށް ހުށައެޅީ މިދިޔަ އަންގާރަ ދުވަހުކަމަށެވެ.
މި މައްސަލާގައި ތުހުމަތުކުރެވޭ ޢުމުރުން 21އަހަރުގެ ދިވެހި ފިރިހެންމީހާ ކޯޓު އަމުރެއްގެ ދަށުންވަނީ ހައްޔަރުކޮށްފައެވެ. އަދި އޭނާ ކޯޓަށް ހާޒިރުކުރުމުން ބަންދުގައި ބަހައްޓައިގެން ތަޙުޤީގު ކުރިއަށްގެންދިއުމަށް 5ދުވަހުގެ މުއްދަތެއްވަނީ ޖަހާފައެވެ. މި މައްސަލަ ފުލުހުންދަނީ އިތުރަށް ތަޙުޤީގުކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ