އަތޮޅުތަކުގެ 6 ރަށެއްގެ ސިއްޙީ މަރުކަޒު ހިންގުމަށް އައު އިމާރާތް ހަދައިދޭނެ ބަޔަކު ހޯދުމަށް އިޢުލާންކޮށްފިއެވެ. ސިއްޙީ މަރުކަޒުގެ އައު ޢިމާރާތް ހެދުމަށް ހަމަޖެހިފައިވާ ރަށްރަށަކީ ހދ.މަކުނުދޫ، ނ.މާފަރު، ށ.ކަނޑިތީމު، ހއ.ކެލާ، ފ.ފީއަލި އަދި އއ.ތޮއްޑޫއެވެ.
ސަރުކާރުން މަސައްކަތްކުރަމުންދަނީ މާލެއެކޭ އެއް ފެންވަރަށް އަތޮޅުތަކުގެ ސިއްޙީ ޚިދުމަތް ފުރިހަމަކޮށް، މިނިޒާމު ލާމަރުކަޒީކޮށް ހަރުދަނާކުރުމަށެވެ. އެގޮތުން ރާއްޖޭގެ 5ސަރަޙައްދުގައި ޓަރޝަރީ ހޮސްޕިޓަލް ތަރައްޤީކުރުމުގެ މަސައްކަތްތައް ފަށާފައިވެއެވެ. ސިއްޙީ ގޮތުން ރަށު ފެންވަރުގައި ފޯރުކޮށްދޭންޖެހޭ ޚިދުމަތްތުގެ ފެންވަރު ރަނގަޅު ކުރުުމުގެ މަސައްކަތްތައްވެސްވަނީ ފަށާފައެވެ.
މިގެތެރޭގައި ރަށްރަށުގެ ސިއްޙީ މަރުކަޒުތަކުގެ ޖާހަ އިތުރުކުރުމާއި ޚިދުމަތް ހޯދަންދާ މީހުންނަށް ލުއިފަސޭހަކާމާއެކު ޚިދުމަތް ލިބޭނެ މަގު ފަހިކޮށްދިނުން ހިމެނެއެވެ.
މިނިސްޓްރީ އޮފް ހެލްތްގެ އެދިވަޑައިގަތުމަށް ސިއްޙީ މަރުކަޒުގެ އާ އިމާރާތް ހެދުމަށް ފިނޭންސް މިނިސްޓްރީއިން އިޢުލާނުކުރައްވާފައިވަނީ ހދ.މަކުނުދޫ، ނ.މާފަރު، ށ.ކަނޑިތީމު، ހއ.ކެލާ، ފ.ފީއަލި އަދި އއ.ތޮއްޑޫގައެވެ. މި މަޝްރޫޢުތަކަކީ ސިއްޙީ މަރުކަޒު ހިންގަމުންއަންނަ ކުދި އަދި ބާ އިމާތްތައްތަކުގެ ބަދަލުގައި ޖާގަ ތަނަވަސް ޒަމާނީ ފެންވަރުގެ ސިއްޙީ މަރަކަޒުތަކުން ޚިދުމަތް ފޯރުކޮށްދިނުމަށް ހިންގާ މަޝްރޫޢުތަކެކެވެ.
މި މަސައްކަތްތައް ކުރިއަށްގެންދާނީ ޑިޒައިން އެންޑް ބިލްޑް އުސޫލުންނެވެ. ފިނޭނެސް މިނިސްޓްރީންވަނީ މި މަސައްކަތް ކުރުމަށް ޝަޢުގުވެރިވާ ފަރާތްތަކަށް އެ ފުރުޞަތު ހުޅުވާލާފައެވެ. މަޝްރޫޢުގެ ބީލަން ހުޅުވުން އޮންނާނީ މަރޗްމަހުގެ 11ވަނަ ދުވަހުއެވެ.
މިދިޔަމަހުވަނީ ތ.ކިނބިދުއާއި ތ.ކަނޑޫދޫގެ އައު ސިއްޙީ މަރުކަޒު ޢިމާރާތްކުރުމުގެ މަސައްކަތްވެސް ކުންފުންޏަކާ ޙަވާލުކޮށްފައެވެ.