އެން.ބީ.އޭ. ބާސްކެޓްބޯޅަ މުބާރާތުގައި ގޯލްޑަން ސްޓޭޓް ވޮރިއަރސްއާއި ސެން އެންޓޯނިއޯ ސްޕަރސް ބައްދަލުކުރިމެޗް ވޮރިއަރސް ކާމިޔާބުކޮށްފިއެވެ. މިމެޗް ވޮރިއަރސް ކާމިޔާބުކުރީ 114 ޕޮއިންޓް 91 ޕޮއިންޓުންނެވެ.
މިމެޗްގައި ވޮރިއަރސްއަށް އެންމެ ރަނގަޅު ކުޅުމެއް ދެއްކީ 32 ޕޮއިންޓް ޓީމަށް ހޯދާދިން ސްޓެފަން ކަރީއެވެ. އަދި ސްޕަރސްއަށް އެންމެ ރަނގަޅު ކުޅުމެއް ދެއްކީ 13 ޕޮއިންޓް ހޯދާދިން ކެލްޑަން ޖޯންސަންއެވެ. މިއީ މިދެޓީމް ޖެހިޖެހިގެން ކުޅުނު ދެވަނަ މެޗެވެ. މިދެޓީމް ރޭ ނޫން ކުރީރޭ ބައްދަލުކުރިމެޗް 105 ޕޮއިންޓް 100 ޕޮއިންޓުން ކާމިޔާބުކުރީ ސްޕަރސްއެވެ.
މިމުބާރާތުގައި ޑެޓްރޮއިޓް ޕިސްޓަންސް އާއި ބްރޫކްލިން ނެޓްސް ބައްދަލުކުރިމެޗް 122 ޕޮއިންޓް 111 ޕޮއިންޓުން ކާމިޔާބުކުރީ ޕިސްޓަންސްއެވެ. މިމެޗްގައި ޕިސްޓަންސްއަށް އެންމެ ރަނގަޅު ކުޅުމެއް ދެއްކީ 32 ޕޮއިންޓް ހޯދައިދިން ޖެރެމީ ގްރާންޓްއެވެ. އަދި ނެޓްސްއަށް އެންމެ ރަނގަޅު ކުޅުމެއް ދެއްކީ 24 ޕޮއިންޓް ހޯދައިދިން ޖޭމްސް ހާޑެންއެވެ.
މީގެއިތުރުން ހިއުސްޓަން ރޮކެޓްސް އާއި ނިއުއޯލިއަންސް ޕެލިކަންސް ބައްދަލުކުރިމެޗް 130 ޕޮއިންޓް 101 ޕޮއިންޓުން ކާމިޔާބުކުރީ ޕެލިކަންސްއެވެ. އަދި މައޭމީ ހީޓް އާއި ނިއުޔޯކް ނިކްސް ބައްދަލުކުރިމެޗް 98 ޕޮއިންޓް 96 ޕޮއިންޓުން ކާމިޔާބުކުރީ ހީޓްއެވެ.