އިސްލާމިކް މިނިސްޓްރީން ސްކޫލްތަކަށް މުސްޙަފް ހަދިޔާކުރުން.
މިނިސްޓްރީ އޮފް އެޑިއުކޭޝަންގެ ދަށުން ހިންގާ ސްކޫލްތަކަށް އިސްލާމިކް މިނިސްޓްރީން 20000 މުސްހަފް ހަދިޔާކޮށްފިއެވެ.
މި މުސްޙަފުތައް އެޑިއުކޭޝަން މިނިސްޓްރީއާ ހަވާލުކޮށްދެއްވި އިސްލާމިކް މިނިސްޓަރ އަޙުމަދު ޒާހިރު ޢަލީއެވެ. އެޑިއުކޭޝަން މިނިސްޓްރީގެ ފަރާތުން މުސްޙަފުތަކާ ހަވާލުވެވަޑައިގަތީ އެޑިއުކޭޝަން މިނިސްޓަރ ޑރ.އާއިޝަތު އަލީއެވެ. މި 20000 މުހަފަކީ ސްކޫލްތަކުގައި ކިޔަވާ ދަރިވަރުން ބޭނުންކުރުމަށް ހަދިޔާކުރި މުސްހަފްތަކެކެވެ.
އިސްލާމިކް މިނިސްޓްރީން އަބަދުވެސް އަންނަނީ ދިވެހި ރައްޔިތުންނަށް މުސްޙަފް ހަދިޔާކުރަމުންނެވެ. މިވަގުތުވެސް މިނިސްޓްރީއިން މުސްޙަފާ، ކީރިތި ޤުރުޢާނުގެ އިނގިރޭސި ތަރުޖަމާ ލިބޭނެކަމަށް މިނިސްޓްރީން މަޢުލޫމާތުދެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ