ސްޕެނިޝް ލަލީގާގައި ސެވިއްޔާ އާއި ގެޓާފޭ ބައްދަލުކުރިމެޗް ސެވިއްޔާ ކާމިޔާބުކޮށްފިއެވެ. ސެވިއްޔާގެ ދަނޑުގައި ކުޅުނު މިމެޗް އެޓީމް ކާމިޔާބުކުރީ 3 ލަނޑު ސުންލަނޑުންނެވެ.
ދެޓީމްގެ ފަރާތުންވެސް ވަދާވެރި ކުޅުމެއް ފެނިގެންދިޔަ މިމެޗްގައި ގިނައިރު ބޯޅަ ގެންގުޅެ ގިނަ ހަމަލާ އުފައްދާފައިވަނީ ސެވިއްޔާއިންނެވެ. ނަމަވެސް މިމެޗްގެ ފުރުތަމަ ހާފްގައި ސެވިއްޔާއަށް ގެޓާފޭގެ ގޯލް ފޫއަޅުވާލެވޭ ގޮތެއް ނުވިއެވެ. މިމެޗްގެ 54 ވަނަ މިނެޓްގައި ގެޓާފޭގެ ޖެނޭ ޑަކޮނާމްއަށް ރަތްކާޑު ދެއްކުމާއި ގުޅިގެން މެޗްގެ ބާކީބައި އެޓީމުން ކުޅުނީ އެއް ކުޅުންތެރިއެއް މަދުކޮށެވެ. މިމެޗްގައި ސެވިއްޔާއިން ޖެހި ފުރަތަމަ ލަނޑު މެޗްގެ 67 ވަނަ މިނެޓްގައި ޖަހާދިނީ މުނީރު އަލް ހައްދާދީއެވެ. އަދި އެޓީމްގެ ދެވަނަ ލަނޑު މެޗްގެ 87 ވަނަ މިނެޓްގައި ޖަހާދިނީ އަލެހަންޑްރޯ ޑާރިއޯ ގޯމޭޒްއެވެ. އަދި ފަހު ލަނޑު އޭގެ އެއް މިނެޓް ފަހުން ޖަހާދިނީ ޔޫސުފް އެން ނަސީރީއެވެ.
މިކާމިޔާބީއާއެކު ސެވިއްޔާވަނީ އެޓީމް ކުޅުނު 21 މެޗުން ލިބިފައިވާ 42 ޕޮއިންޓާއެކު ތާވަލްގެ ހަތަރު ވަނައިގައެވެ. އަދި ގެޓާފޭ އުޅެނީ 21 މެޗުން ލިބިފައިވާ 24 ޕޮއިންޓާއެކު ތާވަލްގެ 13 ވަނައިގައެވެ.