އައްޑޫ ސިޓީ / ފޮޓޯ: ޕީއެސްއެމް - އައްޑޫ މީޑިއާ ސެންޓަރ
އައްޑޫ ސިޓީ ލިންކްރޯޑްގައި 3 އުޅަނދެއް ޖެހި އެކްސިޑެންޓެއް ހިނގައިފިއެވެ.
ފުލުހުން ވިދާޅުވީ މި އެކްސިޑެންޓް ހިނގާފައިވަނީ ސައިކަލަކާއި ބައިސްކަލެއް އަދި ކާރެއް ޖެހިގެންކަމަށެވެ.
މަޢުލޫމާތު ލިބިފައިވާ ގޮތުގައި އެކްސިޑެންޓް ހިނގީ ގަމުން ހިތަދުއަށް ދުއްވާފައި ދިޔަ ސައިކަލަކާއި ބައިސްކަލެއް ޖެހި، އަދި ހަމަ އެވަގުތު ގަމުން ހިތަދުއަށް ދުއްވާފައި ދިޔަ ކާރެއް ސައިކަލުގައި ޖެހިގެންކަމަށެވެ.
މި އެކްސިޑެންޓްގައި ސައިކަލު ދުއްވަން އިން މީހާއާ ބައިސްކަލުގައި އިން މީހާއަށް އަނިޔާވެ، އައްޑޫ އިކުއިޓޯރިއަލް ހޯސްޕިޓަލްގައި ދަނީ ފަރުވާދެމުންނެވެ.
މި ޙާދިސާގެ ރިޕޯޓް ލިބިފައިވަނީ 18:37ހާއިރުއެވެ. ފުލުހުން ވިދާޅުވީ އެކްސިޑެންޓް ހިނގީ ލިންކް ރޯޑްގެ ޕޮލިސް ޓްރެއިނިންގ ސްކޫލް ހުންނަ ސަރަޙައްދުގައިކަމަށެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ