އެން.ބީ.އޭ. ބާސްކެޓް ބޯޅަ މާބާރާތުގައި އެޓަލާންޓާ ހޯކްސް އާއި ލޮސް އެންޖަލިސް ކްލިޕަރސް ބައްދަލުކުރިމެޗް ހޯކްސް ކާމިޔާބުކޮށްފިއެވެ. އެޓަލަންޓާގެ ކޯޓުގައި ކުޅުނު މިމެޗް އެޓީމް ކާމިޔާބުކުރީ 108 ޕޮއިންޓް 99 ޕޮއިންޓުންނެވެ.
ވާދަވެރި ކުޅުމެއް ފެނިގެންދިޔަ މިމެޗްގައި ހޯކްސްއަށް އެންމެ ރަގަޅު ކުޅުމެެއް ދައްކަދިނީ 38 ޕޮއިންޓް ހޯދާދިން ޓްރެއި ޔަންގްއެވެ. އަދި ޑިއަންޑްރޭ ހަންޓަރވަނީ ހޯކްސްއަށް 22 ޕޮއިންޓް ހޯދާދީފައެވެ. މިމެޗަށް ކްލިޕަރސްއިން އެންމެ ވަރުގަދަ ޓީމް ނެރެވޭގޮތް ނުވުމުގެ ސަބަބުން އެކަން ވަރަށް ބޮޑަށް ދެއްކިއެވެ. މިގޮތުން އާންމުކޮށް އެޓީމަށް މެޗް ފަށާ ތިން ކުޅުންތެރިން ކަމަށްވާ ކައުހީ ލިއޮނާޑް އާއި ޕޯލް ޖޯޖުގެ އިތުރުން ޕެޓްރިކް ބެވެލީ ކްލިޕަރސް ޓީމުން ރޭ ނުފެނެއެވެ. ކްލިޕަރސްވަނީ އެޓީމް އެންމެފަހުން ކުޅުނު ހަތް މެޗް ކާމިޔާބުކޮށްފައެވެ. މި މެޗްގައި ކްލިޕަރސްއަށް އެންމެ ރަގަޅު ކުޅުމެއް ދެއްކީ ރެޖީ ޖެކްސަންއެވެ. އޭނާ ވަނީ އެޓީމަށް 20 ޕޮއިންޓް ހޯދައިދީ 8 އެސިސްޓް ކޮށް ހަތް ރީބައުންޑް ނަގާފައެވެ.
މި މުބާރާތުގައި ހިއުސްޓަން ރޮކެޓްސް އާއި ވޮޝިންގޓަން ވިޒަޑްސް ބައްދަލުކުރިމެޗް 107 ޕޮއިންޓް 88 ޕޮއިންޓުން ކާމިޔާބުކުރީ ރޮކެޓްސްއެވެ. މިމެޗްގައި ރޮކެޓްސްއަށް އެންމެ ރަގަޅު ކުޅުމެއް ދެއްކީ 24 ޕޮއިންޓް ހޯދާދިން ޖޯން ވޯލްއެވެ. އަދި ޑިމާކަސް ކަޒިން އާއި އެރިކް ގޯޑަންވަނީ އެޓީމަށް 20 ޕޮއިންޓް ހޯދާދީފައެވެ. މިމެޗްގައި ވިޒަޑްސްއަށް އެންމެ ގިނަ ޕޮއިންޓް ހޯދާދިނީ 33 ޕޮއިންޓް ހޯދާދިން ބްރެޑްލީ ބީލްއެވެ.