އެމްއެންޑީއެފް ފަޔަރ އެންޑް ރެސްކިއު ސަރވިސްއިން ފަރުމާކުރި ވައިބަރ ސްޓިކަރ ޗީފް އޮފް ޑިފެންސް ފޯސް މޭޖަރ ޖެނެރަލް ޢަބްދުﷲ ޝަމާލް ނެރެދެއްވައިފިއެވެ.
"ބްރޭވް ހާރޓް ފަޔަރ ފައިޓަރސް ޗެލެންޖް 2020" ގެ ނަމުގައި ނެރެފައިވާ މި ސްޓިކަރތައް ފަރުމާކޮށްފައިވަނީ އެފް.އާރު.އެސްގައި މަސައްކަތްކުރާ ސިފައިންގެ ދެ އޮފިސަރުންކަމަށްވާ ވޮރަންޓް އޮފިސަރ 3 އާސިމް ރަޝީދާއި، ސްޓާފް ސާޖަންޓް ފާރޫޤް އިސްމާޢީލެވެ.
ޖުމްލަ 24 ސްޓިކަރ ހިމެނޭ މި ސްޓިކަރ ޕެކޭޖުގައި ހިމެނޭ ސްޓިކަރތަކުން ދައްކުވައިދޭނީ އެފް.އާރު.އެސްއާއި އާންމު ރައްޔިތުންނާ އޮންނަ ގުޅުމެވެ. މީގެއިތުރުން އަލިފާން ނިއްވުމަށް އަމިއްލަ ކުރެވިދާނެކަންކަމުގެ އިރުޝާދުތަކާއި އިމަރޖެންސީ ނަންބަރުތަކާއި ތަފާތު ހޭލުންތެރިކަމުގެ މެސެޖުތައްހިމެނެއެވެ.
MNDF Fire and Rescue Service in farumaakuri Viber Sticker, @CDFofMNDF neredhevvaifi. Mi Sticker neredhevvaafaivanee Male' Fire Station ge firemanunnah beyvvi "Brave Heart Fire Fighters Challenge 2020" ge therein.https://t.co/mbkbotVRUz
— Maldives National Defence Force (@MNDF_Official) December 31, 2020
މިއީ އާންމު ރައްޔިތުންނާ އޮންނަ ގުޅުން ބަދަހިކުރުމާއި އެފްއާރުއެސްގެ ހިލޭ ގުޅޭ ނަންބަރު 118 އިސްތިހާރު ކުރުމުގެ އިތުރުން އަލިފާނުގެ ހާދިސާތަކުން ރައްކާތެރިކުރުމަށް ހޭލުންތެރިކަން އިތުރުކުރުމުގެ މަޤްޞަދުގައި ހަދާފައިވާ ސްޓިކަރ ތަކެއްކަމަށް އެމް.އެން.ޑީ.އެފުން ވިދާޅުވެއެވެ. މި ސްޓިކަރތައް މިހާރު ވަނީ ސޯޝަލް މީޑިއާގައި އާއްމުވެ އާއްމުންގެ ބޮޑު ތަރުހީބެއް ލިބިފައެވެ.