"ހިޔާ" މަޝްރޫޢުގެ ސިވިލް ސަރވިސް މުޢައްޒަފުންނަށް ޚާއްސަ ކެޓަގަރީއަށް ހޮވުނު މީހުންގެ ވަގުތީ ލިސްޓް ޢާއްމުކޮށްފިއެވެ. ހިޔާ 7000 ހައުސިން ޔުނިޓްގެ މަޝްރޫޢުގައި ސިވިލް ސަރވިސް މުޢައްޒަފުންނަށް ޚާއްސަކޮށްގެން 1000 ޔުނިޓް ވަނީ ހިމަނާފައެވެ.
ސިވިލް ސަރވިސް ކެޓަގަރީން 2018ވަނަ އަހަރު ހައުސިން މިނިސްޓްރީން ދޭން އެވޯޑްކުރީ 987 ފްލެޓެވެ. ނަމަވެސް ފްލެޓްތަކުގެ މައްސަލަ ބަލާ ކޮމިޓީން އަލުން ފޯމްތައް ރިވިއުކޮށް މިހާރުވަނީ 1000 ފްލެޓް އެއްކޮށް ދިނުމަށް ނިންމާފައެވެ. ކުރިން ހަވާލުނުކުރާ 13 ފްލެޓް އެކި ކެޓަގަރީތަކަށް ވަނީ ބަހާލާފައެވެ.
ސިވިލް ސަރވިސް މުޢައްޒަފުންނަށް ކަނޑައަޅާފައިވާ 1000 ހައުސިން ޔުނިޓް ދޫކޮށްފައިވަނީ 3 ކެޓަގަރީއަކަށް ބަހާލައިގެންނެވެ. އެއީ ސިވިލް ސަރވިސްގައި މަސައްކަތްކުރާ ފަންނީ މުވައްޒަފުންނާއި އިދާރީ މުވައްޒަފުންނާއި ސަޕޯޓް ސަރވިސް މުވައްޒަފުންނަށް ވަކިންނެވެ.
މި ލެވެލްތަކުގެ ތެރެއިން އެންމެ ގިނަ ޕްލެޓް ލިބިފައިވަނީ އިދާރީ މުޢައްޒަފުންނަށެވެ. އިދާރީ 439 މުވައްޒަފުންނަށް، ފަންނީ 312 މުވައްޒަފުން އަދި ސަރޕޯޓް ސަރވިސް 249 މުވައްޒަފަކުވަނީ ފްލެޓަށް ހޮވިފައިވެއެވެ.
ސިވިލް ސަރވިސް ކެޓަގަރީން 17 މުޢައްސަސާއެއްގެ މުވައްޒަފުންނަށް ފްލެޓް ދިނުމަށް ވަނީ ހަމަޖެހިފައެވެ. މީގެތެރެއިން އެންމެ ގިނަ ފްލެޓް ލިބެނީ ހެލްތް މިނިސްޓްރީއަށެވެ. ހެލެތް މިނިސްޓްރީގެ 201 މުއައްޒަފަކަށް ފްލެޓް ލިބިފައިވެއެވެ. ދެން އެންމެ ގިނައީ މިނިސްޓްރީ އޮފް އެޑިއުކޭޝަންގެ މުޢައްޒަފުންނެވެ. އެ މިނިސްޓްރީގެ 169 މުޢައްޒަފަކަށް ވަނީ ފެލެޓް ލިބިފައެވެ.
މި ކެޓަގަރީއަށް ފޯމު ހުށަހެޅުމަށްފަހު، ފްލެޓްގެ ތަޅުދަނޑި ލިބުމުގެ ކުރިން، ވަޒީފާއިން ވަކިވެފައިވާނަމަ އެ ފަރާތެއްގެ ފޯމު ބާޠިލްވާނެކަމަށާއި، ފްލެޓް ލިބުމަށް ދެމަފިރިން ހޮވިއްޖެނަމަ، ހަވާލުކުރެވޭނީ 1 ފްލެޓް ކަމުގައި ފްލެޓް ދޫކުރުމުގެ މިންގަނޑުގައި ކަނޑައަޅާފައިވެއެވެ.
މި ކެޓަގަރީއަށް ޕޮއިންޓް ދީފައިވާނީ 15 ޖަނަވަރީ 2018 ގެ ނިޔަލަށް ޚިދުމަތް ކޮށްފައިވާ މުއްދަތާއި، ލިބިފައިވާ ތަޢުލީމީ ސެޓްފިކެޓްތަކަށް ބަލައިގެންކަމަށްވެސް ކޮމިޓީންވަނީ ވިދާޅުވެފައެވެ.
ހިޔާ" މަޝްރޫޢުގެ ސިވިލް ސަރވިސް މުވައްޒަފުންނަށް ޚާއްސަ ކެޓަގަރީއަށް ފޯމު ހުށަހަޅާފައިވާ ފަރާތްތަކަށް ޕޮއިންޓް ދީފައިވާގޮތުގެ މިންގަނޑުގެ ތަފްސީލްވެސްވަނީ ޢާއްމުކޮށްފައެވެ.
ސިވިލް ސަރވިސް ކެޓަގަރީގެ ވަގުތީ ލިސްޓަށް ޝަކުވާ ހުށައެޅުމުގެ ފުރުސަތު މިހާރުވަނީ ހުޅުވާލާފައެވެ. އެގޮތުން 3 ޖެނުއަރީގެ 15:00ގެ ކުރިން ޝަކުވާ ހުށައެޅުމަށްވަނީ ހުޅުވާލާފައެވެ. ރައީސް އޮފީހުގެ ވެބްސައިޓް މެދުވެރިކޮށް ޝަކުވާ ހުށައެޅޭނެ ކަމަށާއި،
ސިވިލް ސަރވިސް ކެޓަގަރީގެ ދާއިމީ ލިސްޓް އެކުލަވަލާނީ ހުށައަޅާ ޝަކުވާތަކަށް ބެލުމަށްފަހު ކަމަށް ކޮމިޓީން ވިދާޅުވެއެވެ. ޝަކުވާ ހުށައަޅާނީ https://hcp.presidency.gov.mv މި ލިންކު މެދުވެރިކޮށެވެ.