ޔުނިސެފްގެ
އެހީގައި ކުޑަކުދިންނާއި ގުޅޭ ޚަބަރާއި މައުލޫމާތޫ ހާމަކުރުމުގެ އުޞޫލްތަކާއި
ކުޑަކުދިންގެ ޙައްޤުތަކާއި ބެހޭ ގޮތުން މައުލޫމާތު ފޯރުކޮށްދިނުން އަދި މޯލްޑިވްސް
މީޑިއާ ކައުންސިލްގެ ދައުރާއި މަސައްކަތް ހާމަކޮށްދިނުމުގެ ގޮތުން މައުލޫމާތު
ދިނުމުގެ ސެޝަންތަކެއް މޯލްޑިވްސް މިޑިއާ ކައުންސިލުން ލ ގަމާއި ފޮނަދޫ ގައި މި
މަހުގެ 8 ން 9 އަށް ކުރިއަށް ގެންގޮސްފިއެވެ.
މި ސެޝަންތަކުގައި
ލ އަތޮޅުގެ ތަޢުލީމީ މަރުކަޒުގެ ދަރިވަރުންނާއި ބެލެނިވެރިންނަށް
މައުލޫމާތުދެވުނެވެ.މިގޮތުން ތަޢުލީމީ މަރުކަޒުން 124 ދަރިވަރުންނާއި 39 ބެލެނިވެރިން
ބައިވެރިވިއެވެ. ހަމަދު ހަލީފާ އިންޓަނޭޝަނަލް ސްކޫލުން 126 ދަރިވަރުންނާއި 23
ބެލެނިވެރިން ބައިވެރިވިއެވެ.އަދި ލ އަތޮޅު ކައުންސިލާއި ގަމު ކައުންސިލް، ފޮނަދޫ
ރަށު ކައުންސިލް އއަދި މީގެ އިތުރުން ސިވިލް ސަރވިސް މުވައްޒަފުންނަށްވެސް
މައުލޫމާތުދިނުމުގެ ސެޝަންތަކެއް ކުރިއަށް ގެންދެވުނެވެ. ލ އަތޮޅު ކައުންސިލާއި
ފޮނަދޫ ރަށުކައުންސިލް އަދި ސިވިލް ސަރވިސް މުވައްޒަަފުންގެ ޖުމުލަ 21 ބޭފުޅުން
އަދި ގަމު ކައުންސިލުން 39 ބޭފުޅުން މި ސެޝަންތަކުގައި ބައިވެރިވެފައިވެއެވެ.