ޑްރަގް ކޯޓުގެ ޤާޟީ އަލްއުސްތާޛު އާދަމް އާރިފާ ބެހޭގޮތުން ތަޙްޤީޤުކުރި ސުލޫކީ މައްސަލަ ސާބިތުނުވާކަމަށް ޖުޑީޝަލް ސާރވިސް ކޮމިޝަން (ޖޭއެސްސީ)އިން ނިންމައިފިއެވެ.
ޖޭއެސްސީން ވިދާޅުވީ، އެކޮމިޝަނުގެ ޤާނޫނުގެ ދަށުން އެކޮމިޝަނުން އިސްނަގައިގެން މިދިޔަ އަހަރުގެ އޭޕްރީލް މަހުގެ 24ވަނަ ދުވަހު ތަޙްޤީޤުކުރުމަށް ނިންމާފައިވާ ޤާޟީ އާދަމް އާރިފްގެ ސުލޫކީ މައްސަލަ، ތަޙްޤީޤުކުރުމުން އެފަދަ އެމައްސަލައެއް ސާބިތުނުވާކަމަށް މިއަދު އެކޮމިޝަނުގެ ބައްދަލުވުމުގައި ނިންމާފައިވާކަމަށެވެ.
ކްރިމިނަލް ކޯޓުގެ ކުރީގެ ޤާޟީ އާދަމް އާރިފް ޑްރަގް ކޯޓަށް ބަދަލުކޮށް،ފައިވަނީ މިދިޔަ އަހަރުފެ ފެބުރުއަރީ މަހުގެ 6ވަނަ ދުވަހުއެވެ. ޤާޟީ އާދަމް އާރިފަކީ ޕްރޮސިކިއުޓަރ ޖެނަރަލްގެ އޮފީހުގައި އިސް ވަކީލެއްގެ ގޮތުގައި ދައުލަތުގެ ފަރާތުން ކޯޓުތަކުގައި ވަކާލާތުކުރެއްވި ބޭފުޅެކެވެ. އަދި އާދަމް އާރިފް ވަނީ ކުޑަދުވަސް ކޮޅެއްވަންދެން ކްރިމިނަލް ކޯޓު ވަގުތީ ގޮތުން ހިންގަވާފައެވެ.