އަދާރަން ކުލަބް ރަންނާޅި --
ރާއްޖޭގެ ރިޒޯޓެއް ކަމުގައިވާ އަދާރަން ކުލަބް ރަންނާޅީގައި މީހަކު ކަރަންޓްގައި ޖެހިގެން މަރުވި މައްސަލައެއް ފުލުހުން ބަލަން ފަށައިފިއެވެ.
ފުލުހުން ވިދާޅުވީ، ކަރަންޓްގައި ޖެހިގެން މަރުވެފައި ވަނީ، ސްރޫލަންކާގެ ރައްޔިތެއް ކަމަށެވެ. މިހާދިސާ ހިނގާފައި ވަނީ އިއްޔެގެ އިރުއޮއްސި 18:30 ހާއިރުގައި ކަމަށާއި، ހާދިސާ އާއި ގުޅިގެން، ރޭގަނޑު 19:30ގައި ކ މާފުށި ހެލްތު ސެންޓަރަށް އޭނާ ގެންދެވުނު ކަމަށެވެ.
މިހާދިސާގެ ރިޕޯޓު ފުލުހުންނަށް ލިބިފައިވަނީ، ރޭގެ 20:00 ހާއިރުގައި ކަމަށްވެސް ފުލުހުން ވަނީ ވިދާޅުވެފައެވެ.
މިމައްސަލައިގައި ބަލަންޖެހޭ ކަންކަން ބަލައި މިހާރު މައްސަލަ ތަޙުޤީޤު ކުރަމުން ގެންދާ ކަމުގައި ފުލުހުން ވަނީ ވިދާޅުވެފައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ