ކުރީގެ ނާއިބު ރައީސް އަޙްމަދު އަދީބުގެ މައްޗަށް ދަައުލަތުން އުފުލި 7 ދައުވެއް ކުރިމިނަލް ކޯޓުން ބާޠިލުކޮށްފައިވަނީ ގޯސްކޮށް ކަމަށް ކަނޑައަޅައި އެ 7 ދައުވާގެ މައްސަލަ އަލުން ބެލުމަށް ހައިކޯޓުން ހުކުމާއެއްގޮތަށް އެމައްސަލަތައް ބެލުމަށް ކްރިމިނަލްކޯޓުގައި ތާވަލްކޮށްފިއެވެ.
އަލުންބަލާ މިދަޢުވާތަކުގެ ފުރަތަމަ އަޑުއެހުން ތާވަލްކޮށްފައިވަނީ މިއަދު މެންދުރުފަހު 15:00އަށެވެ.
އަދީބުގެ މައްޗަށް ކޮށްފައިވާ ދަޢުވާތައް
- ޚިޔާނާތްތެރިވުމުގައި ބައިވެރިވުމުގެ 2 ދަޢުވާ
- މަޤާމުގެ ނުފޫޒު ބޭނުންކޮށްގެން ނާޖާއިޒު ފައިދާ ހޯދައިދިނުމުގެ 2 ދަޢުވާ
- ރަސްމީ ޙައިސިއްޔަތު ނަހަމަގޮތުގައި ބޭނުންކުރުމުގެ 1 ދަޢުވާ
- މަނީ ލޯންޑަރ ކުރުމުގެ 2 ދަޢުވާ
އަދީބުގެ މައްޗަށް ދަައުލަތުން އުފުލި ދައުވާތައް ކުރިމިނަލް ކޯޓުން ބާޠިލުކޮށްފައިވަނީ ގޯސްކޮށް ކަމަށް ކަނޑައަޅައި 7 ދައުވާގެ މައްސަލަ އަލުން ބެލުމަށް ހައިކޯޓުން ހުކުމްކުރީ މި ސެޕްޓެމްބަރުމަހުގެ 21ވަނަ ދުވަހުއެވެ.
ހައިކޯޓުގެ ޝަރީއަތުގެ މަޖިލީހުގައި މި މައްސަލަ ބެއްލެވި ފަޑިޔާރުންގެ އިއްތިފާގުން ވަނީ މިމައްސަލަޔަކީ ކްރިމިނަލް ކޯޓުން ބެލި ބެލުމުގައި އިބްތިދާއީ އަޑުއެހުމުން ފެށިގެން އަލުން ބަލަންޖެހޭ ހަތް ދައުވާކަމަށް ކަނޑައަޅައި އިސްތިއުނާފީ މިމައްސަލަތައް ނިމެންދެން 15 ދުވަހުގެ މުއްދަތަށް ރިމާޑް ޖަލެއްގައި އަދީބު ބެހެއްޓުމަށް އަމުރުކޮށް، 7 ދައުވާ އަލުން ބެލުމަށް ހުމްކޮށްފައެވެ.
އެމްއެމްޕީއާރުސީގެ ޚިޔާނާތާއި ގުޅިގެން އަދީބާއި ދެކޮޅަށް ދައުލަތުން އުފުލި 7 ދައުވާއެއް ކުރިމިނަލް ކޯޓުން ބާތިލުކޮށްފައިވަނީ މިދިޔަ ޖުލައި މަހުގެ 14ވަނަ ދުވަހުއެވެ.