މާލެއިން ފުރައިގެން އދ މަހިބަދޫއަށް ދަތުކުރަމުން ދިޔަ ދޯންޏަކުން ޒުވާނަކު ގެއްލިގެން ހޯދަން ފަށައިފިއެވެ.
ގެއްލިގެން ހޯދަމުން އަންނަނީ އދ މާންދޫ ރަތްވިލާގެ އުމުރުން 27 އަހަރުގެ އަލީ ޝާހްއެވެ. އެމްއެންޑީއެފްއިން ވިދާޅުވީ މީނާއަކީ އެރަށަށް ހޯމް ކަރަންޓީންވުމަށް ދަތުރުކުރަމުން ދިޔަ ޒުވާނެއްކަމަށެވެ. އަދި މިނާ ދޯނީގައި ނެތްކަން އެނގުނީ މާލެއިން ފުރައިގެން ގޮސް މާންދޫ ފަޅަށް ވަދެ ފާލަމާ ކައިރިކުރި ފަހުންކަމަށް ދޯނީގެ ކެޕްޓަނާއި ހަވާލީ އެމްއެންޑީއެފުން ވިދާޅުވެއެވެ. އެހެންނަމަވެސް އެ ރަށުގެ ނެރުން ދޯނި ވަން އިރުވެސް އެނާ ދޯނީގައި ހުރިކަމަށްވެސް ކެޕްޓަނާއި ހަވާލާދީ އެމްއެންޑީއެފުން ވިދާޅުވެއެވެ.
Male' in furaigen Adh.Mandhoo ah dhathurukuri "Ranthari" Dhoaneegai huri, umurun 27 aharuge dhivehi firihenaku gelligen MNDF Male' Area Coast Guard Squadron in harakaaiytherivaan fashaifi. Mihaadhisaage report libifaivanee mirey 02:10 haairu.
— Maldives National Defence Force (@MNDF_Official) July 16, 2020
އެމްއެންޑީއެފުން ވިދާޅުވީ މި ޒުވާނާ ދޯނީގައި ނެތްކަން އެނގިގެން އެ އިދާރާއަށް ރިޕޯޓްކޮށްފައިވަނީ ދަންވަރު 02:10 އެހާކަންހާއިރުކަމަށެވެ. އަދި މި ހާދިސާ ހިނގާފައިވަނީ އޭގެ ގަޑިރެއްހާއިރު ކުރިންކަމަށް ދޯނީގެ ކެޕްޓަނާއި ހަވާލާދީ ކޯސްޓްގާޑުން ވިދާޅުވެއެވެ.
މި ޒުވާނާ މީނާ ލައިގެން ހުރީ މުށިކުލައިގެ ގޮޅިޖެހި އަތްދިގު ގަމީހަކާއި އަޅިކުލައިގެ ޖިންސެއްކަމަށް ދޯނީގެ ކެޕްޓަނާއި ހަވާލާދީ އެމްއެންޑީއެފް ކޯސްޓްގާޑުން ވިދާޅުވެއެވެ. މީނާ ހޯދުމުގެ މަސައްކަތުގައި އދ.މަންދޫ ރައްޔިތުންނާ އދ.މަހިބަދޫ ޕޮލިސް ސްޓޭޝަނާއި އެމްއެންޑީއެފް މާލޭ އޭރިއާ ކޯސްޓްގާޑް ސްކޮޑްރަންއިން އަންނަނީ ކުރަމުންނެވެ.
މި މީހާ އާބެހޭ އެއްވެސް ޚަބަރެއް ވޭތޯ، މިސަރަޙައްދުން ދަތުރުކުރާ އުޅަނދު ފަހަރުންނާއި މި ހިސާބުގެ ރަށް ތަކުން ބަލައިދިނުމަށް އެމްއެންޑީއެފް ކޯސްޓްގާޑުން އިލްތިމާސްކުރައްވައެވެ. އަދި މީނާ ބެހޭ އެއްވެސް މަޢުލޫމާތެއް ލިބިއްޖެނަމަ ލަސްނުކުރައްވާ ކޯސްޓްގާޑްގެ ހިލޭ ގުޅޭނަމްބަރު 191 ގުޅުއްވައި މަޢުލޫމާތު ޙިއްސާ ކުރެއްވުމަށްވެސް ކޯސްޓްގާޑުން އެދިވަޑައިގަންނަވައެވެ.