އަލީ ވަހީދާއި ސަފާރީ ކޭސްގެ ތަހުޤީގާއި ގުޅޭ މައުލޫމާތު ފުލުހުން އާއްމުކުރުން މިއަދު ހަވީރު 4 ޖަހާއިރު
ކުރީގެ ޓްއަރިޒަމް މިނިސްޓަރާއި ހުޅުމާލެ ބޭރުގައި އޮތް ސަފާރީގައި ބިދޭސީ އަންހެންކަށް ޖިންސީ ގޯނާކުރިކަމަށް ތުހުމަތުކުރެވޭ މައްސަލާގެ ބައެއް މައުލޫމާތުތައް ފުލުހުން މިއަދު އާއްމުކުރަން ނިންމައިފިއެވެ.
ފުލުހުން ވިދާޅުވީ ކުރީގެ ޓްއަރިޒަމް މިނިސްޓަރ އަލީ ވަހީދު އެ މިނިސްޓްރީގެ މުވައްޒަފުންތަކަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލައާއި ގުޅިގެން ފުލުހުން ކުރިޔަށް ގެންދާ ތަހުޤީގާއި ގުޅޭ މައުލޫމާތު މިއަދު ދިނުމަށް ހަމަޖެހިފައިވާކަމަށެވެ. މިއަދު ހަވީރު 16:00 ގައި ބާއްވާ ނޫސްވެރިންގެ ބައްދަލުވުމުގައި އަލީ ވަހީދަށް ތުހުމަތުކުރެވޭ މައްސަލާގެ އިތުރުން ހުޅުމާލެ ބޭރުގައި އޮތް ސަފާރީއެއްގެ ބިދޭސީ އަންހެނަކަށް ޖިންސީ ގޯނާކުރިކަމަށް ތުހުމަތުކުރެވޭ މައްސަލާގެ ތަހުޤީގާއި ގުޅޭ މައުލޫމާތުވެސް އާއްމުކުރާނެކަމަށް ފުލުހުން ވިދާޅުވެއެވެ.
ކުރީގެ ޓްއަރިޒަމް މިނިސްޓަރ އަލީ ވަހީދު އެ މިނިސްޓްރީގެ މުވައްޒަފުންތަކަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލަގައި އޭނާ މަގާމުން އިސްތިއުފާދެއްވުމަށް އެންގެވުމުން އިސްތިއުފާ ނުދެއްވުމުން ވަނީ މަޤާމުން ވަކިކުރައްވާފައެވެ. އަދި އެ މައްސަލާގައި އަލީ ވަހީދު ދިރިއުޅުއްވާ ގެ ބަލާފާސްކޮށް އޭނާގެ ފޯނާއި ބައެއް އިލެކްޓްރޯނިކް ސާމާނު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.
ހުޅުމާލޭ ބޭރުގައި އޮތް ސާފާރީއެއްގައި ބިދޭސީ އަންހެންނަކަށް ޖިންސީ ގޯނާކުރިކަމަށް ބުނާ މައްސަލާގައި ހިމެނޭ މީހުން ހައްޔަރު ނުކުރުމުން ފުލުހުންނަށް ވަނީ ފާޑިކިޔުންތައް އަމާޒުވެފައެވެ.