ފުލުހުންގެ ލެބޯޓްރީގައި ކޯވިޑް-19ގެ ޕީސީއާރް ޓެސްޓް ހަދަނީ - ފޮޓޯ: ޕޮލިސް މީޑިއާ
ރާއްޖެއިން އިތުރު 11 މީހަކު ކޯވިޑް-19އަށް ޕޮޒިޓިވް ވެއްޖެއެވެ.
މީގެ ތެރޭގައި ހިމެނެނީ 8 ދިވެހިންނާއި ބަންގްލަދޭޝްގެ 3 މީހެކެވެ. މިއާއެކު ރާއްޖެއިން މި ބައްޔަށް ޕޮޒިޓިވްވި މީހުންގެ އަދަދު ވަނީ 1883އަށް އިތުރު ވެފައެވެ.
ރާއްޖެއިން ކޯވިޑް-19 ޖެހުނު މީހުންގެ ތެރެއިން 717 މީހަކު ވަނީ މިހާތަނަށް މި ބަލިން ރަނގަޅުވެފައެވެ. މިހާރު ރާއްޖޭގައި މި ބައްޔަށް ފަރުވާ ހޯދަމުންދަނީ 1،157 މީހުންނެވެ. އަދި ކަރަންޓީން ފެސިލިޓީތަކުގައި 1،482 މީހުން ތިބިއިރު އައިސޮލޭޝަން ފެސިލިޓީތަކުގައި 1،228 މީހުން އެބަތިއްބެވެ.
ރާއްޖޭގައި މިހާތަނަށް މި ބަލީގައި މަރުވެފައިވަނީ 7 މީހެކެވެ. އޭގެ ތެރޭގައި ހިމެނެނީ 4 ދިވެހިންނާއި 3 ބިދޭސީންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ