އިންޑިޔާގެ ބޮޑުވަޒީރު ނަރެންދްރަ މޯދީ - ފޮޓޯ: ރޮއިޓަރސް
ކޯވިޑް-19އާ ދެކޮޅަށް ''ދިގު ހަނގުރާމަ''އެއް އިންޑިޔާއިން ކުރަންޖެހޭކަމަށް އެ ޤައުމުގެ ބޮޑުވަޒީރު ނަރެންދްރާ މޯދީ ވިދާޅުވެއްޖެއެވެ.
ފާއިތުވި 24 ގަޑިއިރުގެ ތެރޭގައި އިންޑިޔާގައި އަލަށް ކޯވިޑް-19 ޖެހުނު މީހުންގެ ޢަދަދުވަނީ ރެކޯޑު ޢަދަދަކަށް އިތުރުވެފައެވެ. މޯދީ ވިދާޅުވީ އިންޑިޔާގެ ބޮޑު އާބާދީއާއި މަދު ވަސީލަތްތަކާއެކު ޤައުމަށް ބޮޑެތި ގޮންޖެހުންތަކާ ކުރިމަތިލާންޖެހިފައިވާކަމާއި ކޯވިޑް-19 ފެތުރޭތީ އަޅާފައިވާ ފިޔަވަޅުތަކުގެ ސަބަބުން ލޭބަރުންނާއި ބިދޭސީ މަސައްކަތްތެރިން ވަރަށް ދަތި ޙާލުގައި އުޅެންޖެހިފައިވާކަމަށެވެ.
އިންޑިޔާގެ ދާޚިލީ ވުޒާރާއިން ވަނީ އެ ޤައުމުގައި އިޢުލާނުކޮށްފައިވާ ފުރަބަންދު 31 މެއިއަށްވުރެ އިތުރުކުރުން އެކަށީގެންވާކަމަށް ބުނެފައެވެ. ނަމަވެސް އެކަމުގެ އިތުރު ތަފްޞީލް ދީފައެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ