މާލެއާއި ހުޅުމާލޭގެ 11 ގެއެއް މޮނިޓަރިންގެ ހާލަތަށް ގެނެސްފިއެވެ. މި ގެތައް މޮނިޓަރިންގެ ހާލަތަށް ގެނެސްފައިވަނީ މާލެއިން ކޯވިޑް-19އަށް ފުރަތަމަ ޕޮޒިޓިވްވި މީހާގެ ކޮންޓެކްޓް ޓްރޭސިންގ ހެދުމަށްފަހުގައި ކަމަށް އެޗްޕީއޭއިން ވިދާޅުވެއެވެ. މިއާއެކު މި ގެތަކަށް ވަދެ ނުކުމެ އުޅުން ވަނީ މަނާކޮށްފައެވެ.
މޮނިޓަރިންގ ހާލަތަށް ގެނެސްފައިވާ ގެތައް:
- ހުޅުމާލެ ލޮޓް 11090
- ހ.ރަތްކުރެދި އާރު
- މ.ފީރޯޒުގެ 6 ބީ
- މ.ސޯސަންމާގެ
- ހ.ފެނިގެއްލިދާގެ 7ވަނަ ބުރި
- ހުޅުމާލެ ފްލެޓް، 6-2-02
- އަމީން އެވެނިއު ޓީކް 905
- މ.ނާގޫޝްވިލާ 2 ވަނަ ބުރި
- މއ.އޯކިޑް
މި ގެތަކުގެ އިތުރުން މ.ޖަރީމާގެއާއި ހ. ރަތްކުރެދި އިމާރާތުގެ 4 ވަނަ ފަނގިފިލާ އާއި ސ.ހިތަދޫ ނޫމަސްވާދީގެ މޮނިޓަރިންގެ ހާލަތަށް ގެނެސްފައިވާކަން ރޭ އެޗްޕީއޭއިން ވަނީ ހާމަކުރައްވާފައެވެ. އަދި އައްޑޫސިޓީން 2 މީހަކާއި، ގދ.ވާދޫން 2 މީހަކު އައިސޮލޭޓްކޮށްފައިވާކަމަށްވެސް އެޗްޕީއޭއިން ވިދާޅުވެއެވެ.
މާލެއިން ކޯވިޑް-19އަށް ޕޮޒިޓިވްވި ފުރަތަ މީހާއާ ސީދާ ދިމާވި 2 މީހަކު މި ބައްޔަށް ޕޮޒިޓިވްވެފައިވާކަން އެޗްޕީއޭއިން ވަނީ ހާމަކުރައްވާފައެވެ. މީގެ ތެރޭގައި އެ މީހާގެ ތުއްތު ދަރިފުޅުވެސް ހިމެނޭކަން އެޗްޕީއޭއިން ވަނީ ވިދާޅުވެފައެވެ. އެޗްޕީއޭއިން ދަނީ އެ މީހާއާ ސީދާ ދިމާވި މީހުންނާއި މިކަމާ ގުޅުންހުރި އެއްވެސް މީހަކު ހުރިތޯ ބަލަމުންނެވެ.