ރާއްޖޭގައި ތެޔޮ ހުރިތޯ ބެލުމަށް ޖަރުމަނުގެ ބޯޓަކުން ކުރި ސަރވޭގެ ރިޕޯޓާއި ހަވާލުވަޑައި ގަތުމަށް ރާއްޖޭގެ ފިޝަރީޒް މިނިސްޓަރ މުހައްމަދު ޝައިނީ ޖަރުމަނަށް ވަޑައިގެންފިއެވެ.މިދިޔަ އަހަރުގެ އޮގަސްޓު މަހުގެ ފަހުކޮޅު ރާއްޖެއައި ޖަރުމަނުގެ "ސޮންނޭ" ނަމަކަށް ކިޔާ ބޯޓަކުން ވަނީ ރާއްޖޭގައި ތެލާއި ގޭސް ހުރި ކަމަށް އެންމެ ބޮޑަށް ބެލެވޭ ތިން ސަރަހައްދުގެ ތެރެއިން ދެސަރަހައްދެއްގެ ސައިޒްމިކް ސާވޭއެއް ހަދާފައެވެ. އެއީ ހައްދުންމައްޗާއި، ކޮޅުމަޑުލާއި ދެމެދުގެ އިރުމަތީ ފަރާތުން ސަތޭކަ މޭލުގެ ބޭރުގައެވެ.މިނިސްޓަރ ޝައިނީ މިކަން ހާމަކުރެއްވީ އިއްޔެ ކުރެއްވި ޓުވީޓެއްގައެވެ. މިޓްވީޓްގައި މިކަމާބެހޭ ތަފްޞީލު ނުދެއްވި ކަމުގައި ވީނަމަވެސް މިރިޕޯޓާ ބެހޭ ތަފްޞީލު މިނިސްޓަރ ޝައިނީ މާލެ ވަޑައިގެން ދެވާނެ ކަމަށް ވިދާޅުވެފައިވާ ކަމަށް ފިޝަރީޒް މިނިސްޓްރީ ހާމަ ކުރައްވައެވެ.ޢާއްމުކޮށް ތެޔޮ ހުންނަ ސަރަހައްދު ތަކުން ފެންނަ ސޯސް ރޮކް މިދެ ސަރަހައްދުގައި ހުރި ކަމަށް އެއެސެސްމަންޓުން ދައްކާފައިވެއެވެ."ވަރަށް ޔަގީނާ ގާތަށް ރާއްޖޭގައި ތެޔޮ ހުންނާނެ" ކަމަށް މިނިސްޓަރ ޝައިނީ ކުރިން ވަނީ ވިދާޅުވެފައެވެ. ރާއްޖޭން ތެޔޮ ހޯދުމަކީ ރައީސް އަބްދުﷲ ޔާމީންގެ ރިޔާސީ ވައުދެކެވެ. އެވައުދު ފުއްދުމުގެ ގޮތުން، ތެޔޮ ހޯދުމުގެ މަސައްކަތް ކުރަން ނިންމާފައި ވަނީ ސާވޭ ކުރި ދެސަރަހައްދު ބްލޮކް ތަކަކަށް ބަހާލައިގެން އެކި ފަރާތްތަކާ ހަވާލުކޮށްގެންނެވެ.