ރ. ކިނޮހުގައި އަޅާ އައު އިންޖީނުގޭގެ މަސައްކަތް ކުރުމަށް ފެނަކައިން ކުންފުންޏަކާއި ހަވާލުކޮށްފިއެވެ.
މި މަސައްކަތް ހަވާލުކޮށްފައި ވަނީ ޓީ.އޭ ކޮންސްޓްރަކްޝަން އެންޑް ޓްރޭޑިންގ ޕްރައިވެޓް ލިމިޓެޑާއެވެ.
މި ޕްރޮޖެކްޓްގެ ދަށުން ކިނޮޅަހުގައި އިންޖީނު ބަހައްޓާ އިމާރާތަކާއި، އިދާރީ މަސައްކަތްކުރާ އިމާރާތަކާއި، ފިއުލް ސްޓޯރޭޖް ޓޭންކް ހަދާނެއެވެ. މި ޕްރޮޖެކްޓަށް ފެނަކައިން 5.6މިލިއަން ރުފިޔާ ޚަރަދުކުރުމަށްވަނީ ހަމަޖެހިފައެވެ. ޕްރޮޖެކްޓްގެ މަސައްކަތްތައް ނިންމުމަށް ކަނޑައަޅާފައިވަނީ މިއަހަރުގެ ޑިސެމްބަރުމަހުގެ ނިޔަލަށެވެ.
ކިނޮޅަހުގެ އައު އިންޖީނުގޭގެ މަސައްކަތަކީ އެރަށުގެ އިންޖީނުގެ މީހުން ދިރިއުޅޭ ސަރަޙައްދުން، މީހުން ދިރިނޫޅޭ އެކަހެރި ސަރަޙައްދަށް ބަދަލުކުރުމަށް ކުރިއަށް ގެންދާ ޕްރޮޖެކްޓެކެވެ.
ކިނޮޅަހު އައު އިންޖީނުގޭގެ އެއްބަސްވުމުގައި ފެނަކަ ކޯޕަރޭޝަންގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ އަޙްމަދު ސަޢީދު މުޙައްމަދުއެވެ. އަދި ޓީ.އޭ ކޮންސްޓްރަކްޝަން އެންޑް ޓްރޭޑިންގ ޕްރައިވެޓް ލިމިޓެޑްގެ މެނޭޖިންގ ޑައިރެކްޓަރ މުޙައްމަދު ތަޢުފީޤްއެވެ.
ފެނަކައިންދަނީ ރަށްރަށުގައި މީހުން ދިރިއުޅޭ ސަރަޙައްދުގައި ހުރި އިންޖީނުގެތަށް މީހުން ދިރިނޫޅޭ ސަރަޙައްދުތަކަށް ބަދަލުކުރުމުގެ މަސައްކަތް ކުރުމަށް މަޝްރޫޢުއެއް ހިންގަމުންނެވެ.