ސްޓޭޓް އިލެކްޓްރިޖް ކޮމްޕެނީ، ސްޓެލްކޯގެ ދުރު ރާސްތާ ޕްލޭނުގެ އަމާޒަކީ ރާއްޖޭގެ ކަނޑުފަޅުން ކަރަންޓު އުފެއްދުންކަމަށް އެ ކުންފުނީގެ މެނޭޖިންގް ޑިރެކްޓަރ ހަސަން މުޣުނީ ވިދާޅުވެއްޖެއެވެ.
މުޣުނީ ވިދާޅުވީ ކުރު މުއްދަތެއްގެ ތެރޭގައި ސްޓެލްކޯއަކީ ފުރިހަމަ އިންޖިނިއަރިންގް ކުންފުންޏަކަށް ހެދުމަށް އަމާޒުހިފާފައި ވާކަމަށެވެ.
ސްޓެލްކޯއިން ރާއްޖޭގައި ޚިދުމަތް ދޭންފެށިތާ 70 އަހަރު ފުރުން ފާހަގަކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން ސްޓެލްކޯގެ މެނޭޖިންގް ޑިރެކްޓަރ ހަސަން މުޣުނީ ވަނީ އެ ކުންފުންޏަކީ ދިވެހިރާއްޖޭގެ ތަރައްޤީގައި މުހިންމު ދައުރެއް އަދާކުރަމުންދާ ތަރައްޤިގެ މުހިއްމު ހިއްސާދާރެއްކަމުގައި ވިދާޅުވެފައެވެ.
ސްޓެލްކޯއަކީ ސައްތައިންސައްތަ ދިވެހި މުއައްޒަފުން މަސައްކަތްކުރާ ކުންފުންޏެއްކަން ފާހަގަކުރައްވާ މުޣުނީ ވަނީ، އެ ކުންފުނިން އަބަދުވެސް މަސައްކަތް ކުރާނީ ދިވެހިންނަށް ލުއި ފަސޭހަތައް ފޯރުކޮށްދިނުމަށްކަމަށް ވިދާޅުވެފައެވެ. އެގޮތުން މިހާރު ސްޓެލްކޯއަކީ ޔޫޓިލިޓީ ކުންފުންޏަކަށް ވެފައިވާއިރު، ސްޓެލްކޯއިން މެދުކެނޑުމެއްނެތި ކަރަންޓުގެ ޚުދުމަތާއި، ނަރުދަމާ އަދި ފެނުގެ ޚިދުމަތް ފޯރުކޮށްދޭނެކަމުގެ ޔަޤީންކަން ކުންފުނީގެ މެނޭޖިންގް ޑިރެކްޓަރ ދެއްވިއެވެ. އެގޮތުން ކުންފުނި އަމާޒުހިގާފައިމިވަނީ ރައްޔިތުން ޚިދުމަތް ލިބިގަންނަ ބިލްތަކަށް ބަރޯސާވާ ކުންފުންޏަކަށް ވުމުގެ ބަދަލުގައި ކުންފުނީގެ މާލީ ޤާބިލިއްޔަތުކަން އިތުރުކޮށްފައިވާ ކުންފުންޏަކަށް ހަދާނެކަމުގެ ޔަޤީންކަން މުޣުނީ ދެއްވިއެވެ.
ރާއްޖެއަކީ މޫސުމަށް އަންނަ ބަދަލުތަކުން ބޮޑެތި އަސަރުތަކެއް ކުރާ ޤައުމެއްކަން ފާހަގަކުރައްވައި މުޣުނީ ވަނީ، އެ ކުންފުނިން މިހާރު އަމާޒުހިފާފައި ވަނީ އިއާދަކުރަނިވި ހަކަތައިން ހަކަތަ އުފައްދަން ކަމުގައި ވިދާޅުވެފައެވެ. އެގޮތުން އެ ކުންފުނީގެ ގްރީންލައިފް އިނިޝިއޭޓިވްގެ ދަށުން އަވިން ކަރަންޓު އުފެއްދުމުގެ މަސައްކަތް ކުރަމުންދާއިރު، ސްޓެލްކޯގެ ދުރު ރާސްތާ ޕްލޭނުގެ އަމާޒަކީ ރާއްޖޭގެ ކަނޑު ފަޅުން ކަރަންޓު އުފެއްދުންކަމަށް މުޣުނީ ވިދާޅުވިއެވެ. އެގޮތުން މިކަމަށް ބޭނުންވާ ތަޙުލީލުތައް ކުރަމުންދާކަން ސްޓެލްކޯގެ މެނޭޖިންގް ޑިރެކްޓަރ ފާހަގަކުރެއްވިއެވެ.
"ސްޓޭޓް އިލެކްޓްރިޖް ކޮމްޕެނީ، ސްޓެލްކޯގެ ދުރު ރާސްތާ ޕްލޭންއަކީ އަމާޒު ރާއްޖޭގެ ކަނޑު ފަޅުން ކަރަންޓު އުފެއްދުން. ރާއްޖެއަކީ މޫސުމަށް އަންނަ ބަދަލުތަކުން ބޮޑެތި އަސަރުތަކެއް ކުރާ ޤައުމެއް. އެހެންކަމުން މިކަމުގެ މުހިންމުކަން އިތުރައް ބޮޑުވެގެންދޭ، ކުންފުނި އަމާޒުހިގާފައިމިވަނީ ރައްޔިތުން ޚިދުމަތް ލިބިގަންނަ ބިލްތަކަށް ބަރޯސާވާ ކުންފުންޏަކަށް ވުމުގެ ބަދަލުގައި ކުންފުނީގެ މާލީ ޤާބިލިއްޔަތުކަން އިތުރުކުރުން." މުޣުނީ ވިދާޅުވިއެވެ.
ސްޓެލްއޯއިން ރާއްޖޭގައި ޚިދުމަތްދޭންފެށިތާ 70 އަހަރު ފުރުން ފާހަގަކުރުމަށް ބޭއްވި ރަސްމިއްޔާތެއްގައި، އެ ކުންފުނިން އިއާދަކުރަނިވި ހަކަތަ އުފެއްދުމަށް ތަޢާރަފްކުރާ "ގްރީން ލައިފް އިނިޝިއޭޓިވް" ރައީސުލްޖުމްހޫރިއްޔާ އިބްރާހިމް މުހައްމަދު ޞާލިޙްވަނީ ރަސްމީކޮށް ލޯންޗުކޮށްދެއްވާފައެވެ.
މީގެ އިތުރުން މި ރަސްމިއްޔާތުގައި، ކަރަންޓުގެ ހިދުމަތަށް 70 އަހަރު ފުރުމާއި ގުޅިގެން ސްޓެލްކޯއިން ތައްޔާރުކޮށްފައިވާ ހާއްސަ ފޮތް ނެރެދެއްވައި، ސްޓެލްކޯއަށް ދިގު މުއްދަތަކަށް ޚިދުމަތްކުރެއްވި 3 ބޭފުޅަކަށް ލައިފްޓައިމް އެޗީވްމެންޓް އެވޯޑް ވެސް ހަވާލުކޮށްދެއްވާފައި ވަނީ ރައީސުލްޖުމުހޫރިއްޔާއެވެ. އަދި ސްޓެލްކޯއަށް ޚާއްސަ ޚިދުމަތްތައް ކުރެއްވި ފަރާތްތަކަށްވެސް މިހަފްލާގައި ވަނީ އެވޯޑުތައް އަރުވާފައެވެ.