ނުރައްކާތެރި ކޮރޯނާވައިރަސް، ކޯވިޑް-19 އީރާނުގައި ފެތުރެމުންދާތީ އެޤައުމަށް ޗައިނާއިން ޞިއްޙީ ސާމާނު ހަދިޔާކޮށްފިއެވެ. އެގޮތުން ހަދިޔާކުރި ތަކެތީގެ ތެރޭގައި ހިމެނެނީ 250.000 މާސްކާއި ވައިރަސް ދެނެގަތުމަށް ބޭނުންކުރާނެ 5،000 ކިޓެވެ.
ޗައިނާއިން އީރާނަށް ކަނޑައަޅާފަހުންނަވާ ސަފީރު ޗޭން ހުވާ ވިދާޅުވީ ޞިއްޙީ ސާމާނު އިރާނަށް ހަދިޔާކުރުމުގައި ގިނަ ޢަދަދެއްގެ އަމިއްލަ ވިޔަފާރި ކުންފުނިތަކުގެ އެހީތެރިކަން ލިބިފައިވާކަމަށެވެ އެކަމުގެ އެންމެބޮޑު ބޭނުމަކީ ކޯވިޑް-19އާ ދެކޮޅަށް އީރާނުން ކުރަމުންދާ މަސައްކަތަށް އެހީތެރިކަން ފޯރުކޮށްދިނުންކަމަށް ޗޭން ވިދާޅުވިއެވެ. ޗައިނާއިން ކޯވިޑް-19އާ ދެކޮޅަށް ކުރަމުންދާ މަސައްކަތުގައި އެންމެ ބޮޑު އެހީތެރިކަމެއް ލިބިފައިވަނީ އީރާނުންކަން ފާހަގަކުރައްވާ ޗޭންވަނީ އެޤައުމަށް ޝުކުރުއަދާކުރައްވާފައެވެ.
ވައިރަސް ފެތުރުން ހުއްޓުވުމަށް ކުރިމަތިވެފައިވާ ގޮންޖެހުންތަކަށް ޗައިނާގެ ތަޖުރިބާ އީރާނާއެކު ޙިއްސާކުރައްވާނެކަމަށް އޭނާވަނީ ވިދާޅުވެފައެވެ. އިރާނުގެ ޞިއްޙީ ވުޒާރާއިން ބުނެފައިވަނީ ބަލީގެ ނުރައްކާއޮތް ނަމަވެސް ތަފާތު ދާއިރާތަކުން ޗައިނާއާއެކު އޮންނަ އެއްބާރުލުން ކުރިއަށްގެންދާނެކަމަށެވެ.
އީރާނުގައި މިހާތަނަށް ދުއިސައްތަ ސާޅީސް ފަސް މީހުންނަށް ވައިރަސް ޖެހި ސައްބީސް މީހުންވަނީ މަރުވެފައެވެ.