ކުރިއަށްއޮތް ދެ ދުވަހު ރާއްޖެ ސަރަޙައްދުގައި ވައިގަދަވެ، ކަނޑުތައް ގަދަވާނެތީ އެކަމަށް ސަމާލުވުމަށް މޫސުމާއިބެހޭ ޤައުމީ އިދާރާއިން އިލްތިމާސްކޮށްފިއެވެ.
މެޓް އޮޮފީހުން ބުނެފައި ވަނީ ވައިގަދަވެ ކަނޑުތައް ގަދަވާނެތީ ބައެއް ރަށްރަށަށް އުދަ އެރުން އެކަށީގެންވާ ކަމަށެވެ. އަދި ޚާއްސަކޮށް ދެކުނުގެ ކަނޑުތައް އާދައިގެވަރަކަށް ގަދަވާނެއެ ކަމުގައިވެސް މެޓްއޮފީހުން ބުނެއެވެ.
އަދި ކުރިއަށް ދެ ދެ ދުވަހު ކަނޑު ގަދަވާނެތީ ކަނޑު ދަތުރުފަތުރު ކުރައްވާ ފަރާތްތަކުންވެސް ދަތުރުކުރާއިރާއި، އަދި ދަތުރަށް ފެށުމުގެ ކުރިންވެސް ސަލާމަތީ ކަންކަން ފުރިހަމަ ކުރުމަށް އިލްތިމާސްކުރާކަމަށެވެ.
ކުރިއަށް އޮތް 48 ގަޑިއިރު ވައި ޖެހޭނެކަމަށް ލަފާކުރަނީ އުތުރުގެ އަތޮޅުތަކަށް 17މޭލާއި 27 މޭލާއި ދެމެދުގެ ބާރުމިނުގައެވެ. އަދި ދެކުނުގެ އަތޮޅުތަކަށް ގަޑިއަކު 13 މޭލާއި 23 މޭލާއި ދެމެދުގެ ބާރު މިނުގައި ވައިޖެހޭނެކަމަށް މެޓް އޮފީހުން ލަފާކުރެއެވެ. މިވަގުތުތަކުގައި ރާޅުގެ އުސްމިން އުޅޭނީ 3ފޫޓާއި 6 ފޫޓާއި ދޭތެރޭގެ އުސްމިނުގައެވެ.
ރާއްޖޭގެ ސަރަހައްދުގައި ވައިގަދަވެ ކަނޑުގެ ބާނިތައް ބޮޑުވުމާއި އެކު ރާއްޖޭގެ ރަށްތަކަށް މިދުވަސްވަރު ވަނީ ރަށްގިރުމުގެ މައްސަލަވެސް އާދަޔާއި ޚިލާފަށް ބޮޑަށް ކުރިމަތިވެފައެވެ.