ފުލުހުންނާއި ސިފައިން ގުޅިގެން ދީނީ ހަރުކަށި ފިކުރާއި ދެކޮޅަށް ރ މަޑުއްވަރީގައި ޚާއްސަ އޮޕަރޭޝަނެއް ފަށައިފި
ރ މަޑުއްވަރީގައި ފުލުހުން ގެ ޚާއްސަ އޮޕަރޭޝަނެއް މިހާރު ހިންގަމުން ގެންދާކަމުގައި ފުލުހުން ވިދާޅުވެއްޖެއެެވެ.
ފުލުހުންގެ އިދާރާއިން ވިދާޅުވީ، މިއޮޕަރޭޝަން ކުރިއަށް ކުރިއަށް ގެންދަނީ، ފުލުހުންނާއި ސިފައިން ގުޅިގެން ކަމަށާއި މިއޮޕަރޭޝަނުގައި މަޑުއްވަރީގެ ބައެއް ގޭގެވެސް ފުލުހުން ބަލައި ފާސްކުރަމުން ގެންދާކަމަށެވެ. އަދި މިއޮޕަރޭޝަނާއި ގުޅޭ އިތުރު މައުލޫމާތު ފުލުހުން ފަހުން އާއްމު ކުރާނެ ކަމުގައިވެސް ވިދާޅުވެފައިވެއެވެ.
މަޑުއްވަރިއަކީ ދީނީ ހަރުކަށި ފިކުރުގެ މީހުންތަކެއް ދިރިއުޅޭ ރަށަކަށް ވާއިރު، އެރަށުގެ އާއިލާއެއްގެ ކުޑަކުއްޖަކު، ފިރިހެނަކާއި ހަވާލުކޮށް އަދި އުމުރުން 13 އަހަރުގައ އެކުއްޖާ ބަލިވެ އިނދެ ވިހޭ މައްސަލައިގައި، އެކުއްޖާގެ މައިންބަފައިން ހައްޔަރުކޮށް އެއާއިލާގެ ކުދިންވެސް ވަނީ ދައުލަތުގެ ބެލުމުގެ ދަށަށް ނަގާފައެވެ.
އަދި ދާދި ދަފުން ދޯންޏެއްގެ ތެރޭގައި ހިނގި މާރާމަރީ އަކާއި ގުޅިގެން ހައްޔަރުކުރި، ރ. މަޑުއްވަރީ ހައްމާދު އިސްމާއީލާއި 13 އަހަރުގެ ކުއްޖާ ވިހޭ ދަރިފުޅާއި ޑީއެންއޭ ދިމާވާކަމުގައިވެސް ފުލުހުން ވިދާޅުވެފައިވެއެެވެ.
ރާއްޖޭގައި ހަރުކަށި ދީނީ ފިކުރު ފެތުރި އެކަމުގެ ނުރައްކާ ބޮޑުވެފައި ވާއިރު އެކަމާއި ދެކޮޅަށް ސަރުކާރުން ވަނީ ފިޔަވަޅުތައް އަޅަން ފަށާފައެވެ.