އާމުދަނީން ޓެކްސް ނެގުމުގެ ބިލް ރައީސުލްޖުމުހޫރިއްޔާ ތަސްދީޤު ކުރައްވައިފި

ފަސްދޮޅަސް ހާސް ރުފިޔާއަށްވުރެ މަތިން އާމުދަނީ ލިބޭ މީހުންގެ އަތުން އިންކަމް ޓެކްސް ނެގުމުގެބިލް ރައީސުލްޖުމްހޫރިއްޔާ ތަސްދީޤު ކުރައްވައިފިއެވެ.

ފަރުދުންގެ އާމްދަނީން ޓެކްސް ނެގުމުގެ ބިލް ރައްޔިތުންގެ މަޖިލީހުން ފާސްކޮށްފައި ވަނީ މިމަހުގެ 4 ވަނަ ދުވަހުގައެވެ.

އިންކަމް ޓެކްސްގެ ބިލް ސަރުކާރުން ރައްޔިތުންގެ މަޖިލީހަށް ހުށައެޅުއްވީ މަހަކު ސާޅިސް ހާސް ރުފިޔާއަށްވުރެ މަތިން ޢާމުދަނީ ލިބޭ ފަރާތްތަކުގެ އަތުން ޓެކްސް ނެގުމަށެވެ.

ނަމަވެސް މަޖިލީހުން ފާސްކޮށްފައި ވަނީ ފަސްދޮޅަސް ހާސް ރުފިޔާއިން މަތިން އާމްދަނީ ލިބޭ މީހުންގެ އަތުން އެޓެކްސް ނަގާށެވެ.

އިންކަމްޓެކްސް ނުވަތަ ފަރުދުންގެ އާމުދަނީން ޓެކްސް ނެގުމުގެ ބިލް ރައީސުލްޖުމްހޫރިއްޔާ ތަސްދީޤްކުރެއްވުމުން މާރޗް މަހުގެ 17 ވަނަ ދުވަހުން ފެށިގެން އާމްދަނީން ޓެކްސް ނަގަން ފެށޭނެއެވެ.

އާމްދަނީން ޓެކްސް ނަގާނެގޮތަކީ:
1 - 60000 އިން ދަށުގެ އާމްދަނީތަކަށް - %0
2 - 60000 އާއި 100،000 އާއި ދެމެދު - %5.5
3 - 100،000 އާއި 150،000 އާއި ދެމެދު - %8
4 - 150،000 އާއި 200،000 ދެމެދު - %12
5 - 200،000 އިން މަތީގެ އާމްދަނީތަކަށް - %15
އަންނަ އަހަރަށް ލަފާކުރާ ދައުލަތުގެ ބަޖެޓްގައި ޢާމްދަނީން ނަގާ ޓެކުހުން ދައުލަތަށް ގާތްގަނޑަކަށް 680 މިލިއަން ރުފިޔާ ލިބޭނެކަމަށް ވަނީ ލަފާކޮށްފައެވެ.