"ދިވެހިންގެ އުއްމީދީ ޕާޓީ"ގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ ހަވާލު ކުރުން..
"ދިވެހިންގެ އުއްމީދީ ޕާޓީ"ގެ ނަމުގައި ސިޔާސީ ޕާޓީއެއް އުފެއްދުމުގެ މަސައްކަތް ކުރުމުގެ ހުއްދަ އިލެކްޝަންސް ކޮމިޝަނުން ދީފި އެވެ.
އިލެކްޝަންސް ކޮމިޝަނުން ވިދާޅުވީ އައު ސިޔާސީ ޕާޓީއެއް އުފެއްދުމުގެ މަސައްކަތް ކުރުމަށް ހުއްދަ ދީފައިވަނީ މ، ރީފްސައިޑް، މުހައްމަދު ސައީދަށެވެ.
ސިޔާސީ ޕާޓީއެއް ރަޖިސްޓްރީ ކޮށްދެނީ 3،000 މެމްބަރުން ހަމަ ކުރުމުންނެވެ. ދައުލަތުން ސިޔާސީ ޕާޓީތަކަށް ބަޖެޓު ދެނީ 10،000 މެމްބަރުން ހަމަވާނަމަ އެވެ.
އެންމެ ފަހުން ސިޔާސީ ޕާޓީއެއްގެ ގޮތުގައި ރަޖިސްޓްރީ ކޮށްފައިވަނީ ކުރީގެ ރައީސް މައުމޫނު އަބްދުލް ގައްޔޫމް އިސްކޮށް ހުންނަވައިގެން މޯލްޑިވްސް ރިފޯމް މޫވްމަންޓް ނަމުގައި އުފެއްދި ޕާޓީ އެވެ. ރާއްޖޭގައި އެންމެ ގިނަ މެމްބަރުން ތިބީ ސަރުކާރު ހިންގައި މައި ޕާޓީ އެމްޑީޕީގައި އެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ