ޕްރައިވަޓައިޒޭޝަން ބޯޑަށް އައްޔަންކުރެއްވި 7 މެމްބަރުންނަށް ރުހުން ހޯދަން މަޖިލީހަށް ފޮނުވައިފި
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑަށް ޢައްޔަން ކުރައްވާ 7 ބޭފުޅުންނަށް ރުހުންހޯދުމަށް ރައީސުލްޖުމްހޫރިއްޔާ ރައްޔިތުންގެ މަޖިލީހަށް ފޮނުއްވައިފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ މެންބަރުކަމަށް އައްޔަން ކުރެއްވުމަށް ރައްޔިތުންގެ މަޖިލީހުގެ ރުހުން ހޯއްދެވުމަށް ރައީސުލްޖުމްހޫރިއްޔާ ފޮނުއްވާފައިވާ ނަންފުޅުތަކަކީ:
- ބޯޑުގެ ރައީސަކަށް ރައީސުލް ޖުމްހޫރިއްޔާ ހަމަޖެއްސެވި، ޙަސަން ވަޙީދު، ކުދިމާގެ، ގދ. ތިނަދޫ
- ނާއިބު ރައީސަކަށް ހަމަޖައްސެވި، ޢާޞިމް މުޙައްމަދު، ގ. މެޒަރިން
- ޢާއިޝަތު ޝާޒުލީ، މ. ސެވޯއީ
- ރުޝާހާ އަޙްމަދު ޝަރީފް، ހ. އޮއިސިސްވިޔޫ
- ޢަލީ ޝަފީޢު، މ. ހުދުކަނީރުގެ
- ޢަލީ ޝުޖާޢު، ފަހަލަ، ޅ. ހިންނަވަރު
- އަޙްމަދު ޝަރީފް ޔޫސުފް، މ. ސަތާވަރީގެ
ރައީސުލްޖުމްހޫރިއްޔާ، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ މެންބަރުކަމަށް 7 ބޭފުޅަކު ޢައްޔަން ކުރެއްވުމަށް ރައްޔިތުންގެ މަޖިލީހުގެ ރުހުން ހޯއްދެވުމަށް ފޮނުއްވާފައިވަނީ ޤާނޫނު ނަންބަރު 2013/3 (ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒް ކުރުމާއި އަދި މޮނިޓަރކޮށް އިވެލުއޭޓް ކުރުމުގެ ޤާނޫނު) ގައި ބަޔާންކޮށްފައިވާ ގޮތުގެމަތިންނެވެ.
ސަރުކާރު ކުންފުނިތައް ވިލަރެސްކުރާ، ޕްރައިވެޓައިޒޭޝަން އެންޑް ކޯޕަރަޓައިޒޭޝަންގެ ބޯޑުގެ މެމްބަރުކަމަށް ރައީސުލްޖުމްހޫރިއްޔާ 5 މެމްބަރަކު އައްޔަން ކުރައްވާފައިވަނީ ސެޕެޓެމްބަރު މަހުގެ 23 ވަނަ ދުވަހުއެވެ.