ހައިކޯޓުގެ ފަނޑިޔާރުކަމަށް ކުރިމަތި ލާފައިވާ ބޭފުޅުންގެ ތެރެއިން ސިވިލް ކޯޓުގެ ޤާޟީކަމުގެ މަޤާމުގައި މިވަގުތު ތިއްބެވި، އަލްއުސްތާޛު ހާތިފް ޙިލްމީ އާއި އަލްއުސްތާޛު ޙުސައިން މަޒީދު، ހައިކޯޓުގެ ފަނޑިޔާރުކަމުގެ މަޤާމަށް އައްޔަންކުރުމަށް ޖުޑީޝަލް ސަރވިސް ކޮމިޝަން (ޖޭއެސްސީ) އިން މިއަދު ނިންމާފައިފިއެވެ.
އެކޮމިޝަނުން ވިދާޅުވީ މިގޮތަށް ނިންމާފައިވަނީ މިއަދު ބޭއްވި އެކޮމިޝަނުގެ 70ވަނަ ބައްދަލުވުމުގައިކަމަށެވެ. އަލްއުސްތާޛު ހާތިފް ޙިލްމީ އާއި އަލްއުސްތާޛު ޙުސައިން މަޒީދަކީ ހައިކޯޓުގެ ފަނޑިޔާރުކަމުގެ މަޤާމަށް ދެ ބޭފުޅުން ޢައްޔަންކުރުމަށް ކޮށްފައިވާ އިޢުލާނާ ގުޅިގެން ކުރިމަތިލާފައިވާ ފަރާތްތަކުގެ ތެރެއިން، ދެބޭފުޅުންނެވެ. އެދެބޭފުޅުން މިވަގުތު ތިއްބެވީ ސިވިލް ކޯޓުގެ ޤާޟީކަމުގެ މަޤާމުގައެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ