ޒަމާނީ ފެންވަރަށް ފުޓްބޯޅަ ބަދަލުކޮށްލަންވީ ވަގުތު ކުލަބުތަކާއި އެފްއޭއެމް އޮތީ ނިދާފައި: ސުޒެއިން
އެންމެ ޒަމާނީ ފެންވަރަށް ފުޓްބޯޅަ ބަދަލުކޮށްލަންވީ ވަގުތު ކުލަބްތަކާއި އެފްއޭއެމް އޮތީ ނިދާފަކަމަށް ތަޖުރިބާކާރު ކޯޗް އަލީ ސުޒޭން ބުނެފިއެވެ.
90ގެ އަހަރުތަކާއި 2000ވަނަ އަހަރުގެ ކުރީކޮޅުގައި ފުޓްބޯޅައިގެ އޮތް ފޯރި ކުޑަވެ، ދަނޑަށް މީހުންވަނުން މިހާރު ވަނީ ވަރަށް މަދުވެފައެވެ. ސީޔާސީ ގޮތުން ރާއްޖެއަށްއާއި ބަދަލުތަކާއި ރާއްޖެއަށް އައި ކުރިއެރުންތަކާއި މީހުންގެ ދިރިއުޅުމަށް އައިސްފައިވާ ބަދަލުތަކާއެކު ދަނޑަށް ވަންނަ މީހުން މިހާރުވަނީ ވަރަށް ބޮޑަށް މަދުވެފައެވެ.
ޕީއެސްއެމްގެ ދިވެހި ފުޓްބޯޅަ ޕްރޮގްރާމްގައި ވާހަކަދައްކަމުން ކްލަބް ގްރީން ސްޓްރީޓްސްގެ ކޯޗް އަލީ ސުޒޭން ބުނީ ރާއްޖޭގެ ސިޔާސީ މައިދާނަށް އައިބަދަލާއެއްވަރަށް ރާއްޖޭގެ ފުޓްބޯޅައަށްވެސް ބަދަލުތަކެއް ގެންނަންޖެހޭކަމަށެވެ. އަދި ޕްރިމިއަރ ލީގްއާއި ސްޕެނިޝް ލީގްފަދަ ދުނިޔޭގެ ބޮޑެތި ލީގްތަށް ފެންނަން ފެށުމާއެކު، ރާއްޖޭގެ ފުޓްބޯޅައާއި މެދު މީހުން ދެކޭ ގޮތް ވަރަށް ބޮޑަށް ބަދަލުވެގެންދިޔަކަމަށެވެ.
ސުޒޭން ބުނީ ރާއްޖޭގެ ފުޓްބޯޅައަށް ޒަމާނީ ބަދަލުތަށް ގެންނަން ވީ ދުވަހު، ކުލަބްތަކާއި އެފްއޭއެމްއާއި ފުޓްބޯޅައިގެ އާއިލާގެ ތެރޭގައި މަސައްކަތް ކުރި ހުރިހާ ފަރާތްތަށް ތިބީ ނިދާފަކަމަށާއި މިއީ ހަމައެކަނި އެފްއޭއެމްއަށް ކުރެވޭ ވަރަށް ވުރެއް ބޮޑު ކަމެއްކަމަށް ކޯޗް އަލީ ސުޒޭން ބުންޏެވެ.
ސުޒޭން ބުނީ ކުރިން އޮތް ފޯރި ދިވެހި ފުޓްބޯޅައަށް ގެންނަން ބޭނުންވާކަމަށްވާނަމަ، މިކަމުގެ ދިރާސާއެއް ހަދާ ކުލަބްތަކާއި އެފްއޭއެމްއިން ވަރަށް ބުރަކޮށް މަސައްކަތް ކުރަންޖެހޭކަމަށެވެ.