7 ރަށެއްގެ ކޯޒްވޭއަކުން ގުޅާލަން ނިންމާ އެ މަޝްރޫއުގެ ޑިޒައިން އަދި އީއައިއޭ ހަދަން ބަޔަކާއި ހަވާލުކޮށްފިއެވެ. މި މަސައްކަތް ހަވާލުކޮށްފައި އިންސާ ޕްރައިވެޓް ލިމިޓެޑާއި އެވެ.
މި އެއްބަސްވުމުގައި ޕްލޭނިން މިނިސްޓްރީން ސޮއިކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫގުއެވެ. އަދި އިންސާ ޕްރައިވެޓް ލިމިޓެޑްއިން ސޮއިކުރެއްވީ ޕްރޮޖެކްޓް އިންޖިނިއަރ އާދަމް ޝާނިޒްއެވެ.
ކޯޒްވޭ އިން ގުޅާލުމަށް ހަމަޖެހިފައިވާ ރަށްތައް
ތ. ވޭމަންޑޫ - ތ. ކިނބިދޫ
ގދ. ފަރެސްމާތޮޑާ - ގދ ފަރެސްމާތޮޑާ އެއަރޕޯޓް
ގދ. މަޑަވެލި - ގދ. ހޯޑެއްދޫ
މ. މުލި - މ ނާލާފުށި
ތ.ވޭމަންޑޫ އާއި އެއަތޮޅު ކިނބިދޫގެ ކޯޒްވޭގެ ޑިޒައިންކޮށް އީއައިއޭގެ ހެދުމުގެ މަސައްކަތުގެ އަގަކީ ސަތޭކަ އަށްޑިހަ ފަސްހާސް ރުފިޔާ ފަސްދޮޅަސް ލާރި އެވެ. މި މަސައްކަތް ހަވާލުކޮށްފައިވަނީ 33 ދުވަހުގެ ތެރޭގައި ނިންމާ ގޮތަށެވެ.
ގދ. ފަރެސްމާތޮޑާއާއި ފަރެސްމާތޮޑާ އެއަރޕޯޓް އަދި ގދ.މަޑަވެއްޔާއި ހޯޑެއްދޫގެ ކޯޒްވޭގެ މަސައްކަތް ހަވާލުކޮށްފައިވަނީ 80 ދުވަހުގެ ތެރޭގައި ނިންމާ ގޮތަށެވެ. މި މަސައްކަތުގެ އަގަކީ ސަތޭކަ ހަތްދިހަ ހަތަރުހާސް ހަ ސަތޭކަ ފަސްދޮޅަސް އެއް ރުފިޔާ ފަންސާސް ލާރި (174661.50ރ) އެވެ.
މ.މުއްޔާއި އެ އަތޮޅު ނާލާފުށީގެ ކޯޒްވޭ ޑިޒައިންކޮށް އީއައިއޭގެ މަސައްކަތް 39 ދުވަހުގެ ތެރޭގައި ނިންމަންޖެހެއެވެ. މި މަސައްކަތް ހަވާލުކޮށްފައިވަނީ ދުއިސައްތަ ދިހަހާސް ރުފިޔާ ތިރީސް ތިން ލާރި (210000.33ރ) އެވެ.
މި މަޝްރޫއުގެ ދަށުން ކުރުމަށް ހަމަޖެހިފައިވަނީ މި ރަށްތަކުގެ ކޯޒްވޭ ހެދުމަށް ބޭނުންވާ ޑީޓެއިންލް ޑިޒައިންނާއި އެންވަޔަރަމަންޓަލް އިންޕެކްޓް އެސެސްމަންޓް ތައްޔާރުކުރުމުގެ މަސައްކަތެވެ.