ވެމްކޯގެ މުވައްޒަފަކަށް ހަމަލާ ދިން މީހާ ހޯދަމުންދަނިކޮށް އަމިއްލައަށް ފުލުސް އޮފީހަށް ހާޒިރުވެއްޖެ
ވެމްކޯގެ މުވައްޒަފަކަށް ހަމަލާ ދިންމީހާ ކޯޓު އަމުރެއްގެ ދަށުން ހޯދަނިކޮށް އަމިއްލައަށް ފުލުހުންގެ އިދާރާއަށް ހާޒިރުވެއްޖެއެވެ.
ފުލުހުން ވިދާޅުވީ މި މައްސަލައާ ގުޅިގެން ހައްޔަރުކޮށްފައިވަނީ އުމުރުން 32 އަހަރުގެ ދިވެހި ފިރިހެނެއްކަމަށެވެ. މިމީހާ ހައްޔަރުކޮށްފައިވަނީ ވެމްކޯގެ މުވައްޒަފަކަށް ހަމަލާދިން ކަމުގެ ތުހުމަތުގައި ހައްޔަރު ކުރުމަށް ކޯޓު އަމުރެއް ހޯދައިގެން އޭނާ ހޯދުމުގެ މަސައްކަތް ކުރަމުން ދަނިކޮށް މިއަދު އަމިއްލައަށް ފުލުހުންގެ މައި އިދާރާއަށް ހާޒިރުވުމުންކަމަށް ފުލުހުން ވިދާޅުވެއެވެ. އަދި އެ މައްސަލައިގެ ތަޙްޤީގު ފުލުހުންގެ ޖެނެރަލް އިންވިސްޓިގޭޝަން ޑިޕާޓްމަންޓުން މިހާރު ކުރަމުންދާކަމަށްވެސް ފުލުހުން ވިދާޅުވެއެވެ.
ގޭބިސީތަކުން ކުނި ނެގުމަށް ޙަރަކާތްތެރިވަމުންދިޔަ، ވެމްކޯގެ މުވައްޒަފަށް ހަމަލާދޭ ވީޑިއޯއެއް ސޯޝަލް މީޑިއާގައި ވަނި އާންމު ވެފައެވެ. ޢެ ވީޑިއޯގައު ފެންނަނީ އެސްލޯނު ހޮޅިއަކުން ވެމްކޯގެ މުވައްޒަފަކަށް މީހަކު ހަމަލާދޭ މަންޒަރެވެ. މި ވީޑިއޯއާ ގުޅިގެން ގިނަ ބަޔަކު ވަނީ ސޯޝަލް މީޑިއާގައި ކަންބޮޑުވުންވެސް ފާޅުކޮށްފައެވެ.