ފިލާގަނޑުންޖެހި އަނިޔާވި މީހާ އެމްބިއުލާންސަށް އަރުވަނީ- ފޮޓޯ: ޕީއެސްއެމް ނިއުސް
މާފަންނު ގެއެއްގެ ބެލްކަނިން ވެއްޓުނު ފިލާގަނޑަކުންޖެހި މީހަކަށް އަނިޔާވެއްޖެއެވެ.
ފުލުހުން ވިދާޅުވީ މާފަންނު ގެއެއްގެ 8 ވަނަ ގަންގިފިލާގެ ބެލްކަނީގައި ހަރުކޮށްފައި ހުރި ފިލާގަނޑެއް ވެއްޓި އެ ސަރަހައްދުން ހިނގާފައިދިޔަ ފިރިހެނެއްގެ ބޮލުގައި ޖެހި އަނިޔާވެފައިވާކަމަށެވެ. އަދި މިހާދިސާއާ ގުޅިގެން އަނިޔާވި މީހާ އައިޖީއެމްއެޗަށް ގެންގޮސް ފަރުވާ ދެމުންދާކަމަށްވެސް ފުލުހުން ވިދާޅުވެއެވެ.
ފުލުހުން ވިދާޅުވީ މި ހާދިސާ ހިނގައިގެން އުޅޭކަމުގެ މައުލޫމާތު ލިބިފައިވަނީ 10:03 ހާއިރުކަމަށެވެ. އަދި މި މައްސަލައާ ގުޅިގެން ފުލުހުން ބަލަންޖެހޭ ކަންކަން ބަލަމުންދާކަމަށްވެސް ފުލުހުން ވިދާޅުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ