މާލެއިން ޓްރީ ޓޮޕް ހޮސްޕިޓަލަށް ޑޮކްޓަރަށް ދެއްކުމަށް ބޭނުންވާ ފަރާތްތަކަށް ދަތުރުފަތުރުގެ އިންތިޒާމް ހަމަޖައްސައިދޭން އެ ހޮސްޕިޓަލުން ނިންމައިފިއެވެ.
މާދަމާއިން ފެށިގެން މި ޙިދުމަތްދޭން ފެށުމަށް ނިންމާފައިވާއިރު، މި ޙިދުމަތަށް އިތުރު ފީއެއް ދައްކަން ނުޖެހޭނޭކަމަށް ޓްރީޓޮޕުން ބުނެއެވެ.
ޓްރީ ޓޮޕް ހޮސްޕިޓަލުގެ އެޕޮއިންޓްމަންޓް ޔަޤީންކުރައްވާ ވަގުތު މިޙިދުމަތަށް ބުކިންގ ހެދުމުގެ ފުރުސަތު ގެސްޓް ސަރވިސާސް ރިސެޕްޝަން އަދި ކޮންޓެކްޓް ސެންޓަރުން ލިބޭނެއެވެ. މިޙިދުމަތް ބޭނުންކުރެއްވުމަށް އެޕޮއިންޓްމަންޓް ޔަޤީންކުރެވުނުކަމުގެ އެސްއެމްއެސް ބަސް ޑްރައިވަރަށް ދައްކަންޖެހެއެވެ.
ކޮންމެ ގެސްޓަކާއިއެކު އެއް އެހީތެރިޔަކަށް މިޙިދުމަތް ބޭނުންކުރެއްވުމުގެ ފުރުސަތު ދިނުމަށް ހަމަޖެހިފައިވާއިރު، މާލެއިން ޓްރީޓޮޕް ހޮސްޕިޓަލަށް ދިޔުމަށް ބަހުގެ ޙިދުމަތް ލިބޭނީ މާލޭގެ ޕޮލިސް ޓޯޔާޑް ކައިރިންކަމަށް ޓްރީ ޓޮޕުން މައުލޫމާތުދެއެވެ.
މިޙިދުމަތް ތަޢާރަފްކޮށްފައިވާނީ، ޓްރީ ޓޮޕް ހޮސްޕިޓަލުގެ އިޖުތިމާއީ ޒިއްމާގެ ދަށުން ހޮސްޕިޓަލުގެ ޙިދުމަތް ހޯދުމަށް ހޮސްޕިޓަލަށް ޒިޔާރަތް ކުރައްވާ ބޭފުޅުންނަށް ލުއިފަސޭހަ ކޮށްދިނުމުގެ ގޮތުންކަމަށް ޓްރީޓޮޕުން މައުލޫމާތުދެއެވެ.