އެމެޖެންސީ ޙާލަތްތަކަށް ތައްޔާރުވުމާބެހޭ މަސައްކަތު ބައްދަލުވުމެއް ރާއްޖޭގައި ފަށައިފިއެވެ.
މި މަސައްކަތު ބައްދަލުވުމުގެ އެންމެ ބޮޑު ބޭނުމަކީ އެމެޖެންސީ ޙާލަތެއް ކުރިމަތިވެއްޖެ ނަމަ އަމަލުކުރާނެ މިހާރަށްވުރެ ހަރުދަނާ އުސޫލުތަކެއް ކަނޑައެޅުމާ އަދި އެފަދަ ކަންކަމަށް ތައްޔާރުވުމުގައި އަމަލުކުރާ ގޮތްތައް މިހާރަށްވުރެ ހަރުދަނާކުރުމެވެ.
މިމަހުގެ 25 ވަނަ ދުވަހުގެ ނިޔަލަށް ކުރިޔަށްގެންދާ މި މަސައްކަތު ބައްދަލުވުމުގައި މޯލްޑިވްސް ޕޮލިސް ސަރވިސް އާއި އެމްއެންޑީއެފާއި ލޯކަލް ގަވަރމަންޓް އޮތޯރިޓީއާއި ޞިއްޙީ ދާއިރާއާއި ސަރުކާރުގެ އެކި މިނިސްޓްރީތަކާއި މަދަނީ ޖަމުޢިއްޔާ ޖަމާޢަތްތަކުން މަންދޫބުން ބައިވެރިވެއެވެ.
މެޖެންސީ ޕްލޭނިންގ ކޮލެޖްގެ ފަރާތުން ސެޝަންތައް ކުރިޔަށްގެންދާ މި މަސައްކަތު ބައްދަލުވުމަކީ ރައީސުލްޖުމްހޫރިއްޔާގެ އޮފީހާއި އިނގިރޭސި ވިލާތުގެ ކައުންޓަރ ޓެރަރިޒަމް ޕޮލިސިންގއާއި ޖަކާޓާ ސެންޓަރ ފޯ ލޯ އެންފޯސްމަންޓް ކޯޕަރޭޝަން ( ޖޭސީއެލްއީސީ) ގުޅިގެން ކުރިޔަށްގެންދާ މަސައްކަތު ބައްދަލުވުމެކެެވެ.