ކުދި އަދި މެދު ފަންތީގެ ވިޔަފާރިތައް ކުރިއެރުވުމަށްޓަކައި، އެންޓަރޕްރައިޒަސް ޑެވެލޮޕްމަންޓް ޔުނިޓް ރޭ އިފްތިތާހްކޮށްފިއެވެ.ކުދިފަންތިއާއި މެދުފަންޓީގެ ވިޔަފާރިތަކަށް އެހީތެރިކަން ފޯރުކޯށްދިނުމަށްޓަކައި އެންޓަރޕްރައިޒަސް ޑެވެލޮޕްމަންޓް ނުވަތަ އީޑީ އިފްތިތާހްކޯށްދެއްވޯ ބަންޑާރ ނައިބު މުހައްމަދު އަނިލްއެވެ.ކުދި ވިޔަފާރިތައް ކުރިއެރުވުމަށް ބޭނުންވާ މައުލޫމާތާއި، ފަންނީ އަދި މާލީ އެހީ ލިބޭނެ މަގުފަހިކޮށްދޭ އެންޓަރ ޕްރައިޒަސް ޑިވެލޮޕްމަންޓް،އީޑީގެ ބޭނުމަކީ، ވިޔަފާރިތައް ކުރިއެރުމާއި، ވިޔަފާރި ފެށުމަށް ބޭނުންވާ ޚިޔާލް ފޯރުކޮށްދީ، ދެމެހެއްޓެނިވި ގޮތެއްގައި ވިޔަފާރިކޮށް، ވަގުތާއި ވަސީލަތްތަކާއި، ހަކަތަ އެފަރާތްތަކަށް ފޯރުކޮށްދިނުމެވެ. އަދި އީޑީގެ ދަށުންބޮލި ސިސްޓަމް ތައާރަފް ކުރެވިގެންދާއިރު މި ސިސްޓަމަކީ އޮންލައިންކޮށް ވިޔަފާރިއާ ބެހޭ ކަންކަން ކުރެވިގެން ދާނެ ސިސްޓަމެކެވެ.މި ރަސްމިއްޔާތުގައި ވާހަކަފުޅު ދައްކަވަމުން އިކޮނޮމިކް މިނިސްޓަރ މުހައްމަދު ސައީދު ވިދާޅުވީ،ސަރުކާރުން އެއްވެސް ވިޔަފާރިއެއް ބާކީ ނުކުރާނެކަމަށެވެ. މި ޕްރޮގްރާމް އަކީ ވަށާޖެހޭގޮތަށް މުޅި ގައުމު ހިމެނޭ ގޮތަށް ތައާރަފްކުރާ ޚިދުމަތެއްކަމަށާއި، މީގެދަށުން ވިޔަފާރިއަށް އަލަށް ވަންނަ ފަރާތްތަކަށް ފަންނީ އަދި މާލީ އެހީތެރިކަންފޯރުކޮށްދިނުން ކަމަށް މިނިސްޓަރ ސައީދު ވިދާޅުވިއެވެ. މި ޔުނިޓަކީ މިހާތަނަށް ރާއްޖޭގައި ކުދި ފަންތި އަދި މެދުފަންތީގެ ވިޔަފާރިތަކަށްއެހީވުމަށް އުފެއްދުނު އެންމެ ވަރުގަދަ ޔުނިޓު ކަމަށާއި، މީ ސަރަހައްދީގޮތުންވެސް ފާހަގަކޮށްލެވޭނެ ޔުނިޓެއްކަމަށް ވިދާޅުވިއެވެ. އަދިމިޔުނިޓުގައިވިޔަފާރި އާއި އިޖުތިމާއީ ދާއިރާގެ ސްޕެޝަލިސްޓުން ތިއްބަވާނެކަން މިނިސްޓަރ ފާހަގަކުރެއްވިއެވެ.މިނިސްޓަރ ސައީދު ވިދާޅުވީ، ގޮންޖެހުންތަކާއި އެކުވެސް ކުރެވޭ މަސައްކަތުންރާއްޖޭގެ އިންވެސްޓަރުންގެ އިތުބާރު މިހާރު އިތުރުވެގެންދާކަމަށެވެ.މިރަސްމިއްޔާތުގައި ވާހަކަފުޅު ދައްކަވަމުން ބަންޑާރ ނައިބު މުހައްމަދު އަނިލް ވިދާޅުވީ، ރާއްޖޭގެ ވިޔަފާރީގެ ދާއިރާ އިތުރަށް ތަރައްގީކޮށް ކުރިއެރުވުމަށްޓަކައި،ޤާނޫނީ ގޮތުން ގެންނަންޖެހޭ އިސްލާހުތައް ގެންނަމުންދާކަމަށެވެ. އެގޮތުން ކުންފުންޏާއި ބެހޭ ގާނޫނާއި، އިންވެސްޓަރުންނަށް ފަހިވާނެ ގާނޫނުތަކާއި، ކުދި ފަންތިއާއި، މެދު ފަންތީގެ ވިޔަފާރިތައް ތަރައްގީކުރުމަށް ބޭނުންވާ ޤާނޫނުތައް އިސްލާހުކޮށް، ތައާރަފްކުރަންޖެހޭ ގަވާއިދުތައް މިހާރު ތައާރަފްކުރެވެމުންދާކަމަށް ވިދާޅުވިއެވެ. އަަދި މިކަމުގެ ސަބަބުން ދެމެހެއޓެނިވި ގޮތެއްގައި، ވިޔަފާރިތައް ތަރައްގީވުމަށް މަގުފަހިވެގެންދާނެކަމަށް ބަންޑާރަ ނައިބު ވިދާޅުވިއެވެ.ކުދި ވިޔަފާރިތައް ތަރައްގީކުރުމުގެ ބޭނުމުގައި ސަރުކާރުންވަނީ ރާއްޖޭގެ ހަތް ސަރަހައްދެއްގައި ވިޔަފާރި ކުރިއަރުވާ މަރުކަޒުތަކެއް ގާއިމްކުރުމަށް ނިންމަވާފައެވެ. އެގޮތުން ރާއްޖޭގެ ދެކުނުން އައްޑޫސިޓީގައި އަދި އުތުރުން ހދ. ކުޅުދުއްފުށީގައި ވަނީ އެފަދަ ސެންޓަރުތައް މިހާރުވެސް ގާއިމްކޮށްފައެވެ.