ރޯގާ ޖެހިގެން ފަރުވާ ހޯދަން އަންނަ ބަލި މީހުންނަށް އައިޖީއެމްއެޗުގެ ފްލޫ ކުލިނިކުން 24 ގަޑިއިރު ޑޮކްޓަރަށް ދެއްކޭނެ އިންތިޒާމް ހަމަޖައްސައިފިއެވެ.
އެ ހޮސްޕިޓަލުން ބުނީ މިގޮތަށް ހަމަޖައްސާފައިވަނީ މި ދުވަސްވަރަކީ ހުމާއި ރޯގާ ޖެހިގެން ފަރުވާ ހޯދާ މީހުން ގިނަ ދުވަސްވަރަކަށް ވާތީ ކަމަށެވެ.
އެޗްޕީއޭއިން ވަނީ މި ދުވަސްވަރަކީ އަރިދަފުސް ރޯގަ އިތުރުވަމުންދާ ދުވަސްވަރެއްކަމުން، ރޯގާ ޖެހިއްޖެނަމަ ފުރަތަމަ ތިން ދުވަހު ގޭގައި މަޑުކުރުމަށާއި ގިނައިން ދިޔާތަކެތި ބޭނުންކޮށް އަރާމު ކުރުމުން އިލްތިމާސް ކޮށްފައެވެ. އަދި ހުން އައިސް ރޯގާޖެހި ތިން ދުވަހަށްވުރެ އިތުރުވާނަމަ ޑޮކްޓަރަށް ދެއްކުމަށާއި ޕެރަސެޓަމޯލް ފިޔަވައި އެހެން ބޭހެއް ބޭނުން ނުކުރުމަށްވެސް އެޗްޕީއޭއިން ވަނީ އިލްތިމާސް ކޮށްފައެވެ.
މީގެ އިތުރުން ބަލި ފެތުރުން މަދުކުރުމަށްޓަކައި ކޮންމެހެން ދާން ޖެހިގެން މެނުވީ ހޮސްޕިޓަލަށްފަދަ ތަންތަނަށް ނުދިއުމަށްވެސް އެޗްޕީއޭއިން އިލްތިމާސް ކުރެއެވެ.