މާލޭ ޖަލަށް އެކިފަހަރު މަތިން ޒިޔާރަތްކޮށް ރަގަޅުކުރަން އަންގާފައިވާކަން އަދިވެސް ރަގަޅުކޮށްފައިނުވާކަމަށް ހިއުމަން ރައިޓްސް ކޮމިޝަނުން ބުނެފިއެވެ.
އެ ކޮމިޝަނުން މިއަދު ނެރުނު ނޫސްބަޔާނެއްގައި ބުނެފައިވަނީ މާލެ ޖަލަށް 2011، 2014 އަދި 2017 ވަނަ އަހަރު ކޮށްފައިވާ ޒިޔާރަތްތަކުގައި ފާހަގަ ކުރެވިފައިވާ ކަންކަމާ ގުޅޭގޮތުން ކަމާގުޅޭ އިދާރާތަކަށް އެ މައުލޫމާތުތައް ޙިއްޞާކޮށްފައިވާނޭކަމަށެވެ. އަދި އެކަންކަން ތަންފީޛުކޮށްފައިވާ މިންވަރު ދެނެގަތުމަށް މިދިޔަ އޭޕްރިލްމަހު ޖަލަށް އަލުން ޒިޔާރަތްކޮށްފައިވާކަމަށެވެ. މި ޒިޔާރާތުގައި ބެލިބެލުމުން ރިޕޯޓުތަކުގައި ފާހަގަކޮށް އިޞްލާޙްކުރުމަށް ހުށަހަޅާފައިވާ ގިނަ ކަންތައްތަކެއް އިޞްލާޙު ކޮށްފައިނުވާކަމަށްވެސް ހިއުމަންރައިޓްސް ކޮމިޝަންގެ ބަޔާނުގައިވެއެވެ.
މިގޮތުން، ރިމާންޑް ޖަލެއްގެ ގޮތުގައި ބޭނުންކުރަމުންދިޔަ މާލެ ޖަލުގެ އެނެކްސް 1 ގައި އެއްވެސް ޤައިދީއަކު އަދި ބަންދުމީހަކު ބަންދު ނުކުރުމަށާއި އެތަނުގައި ތިބި ޤައިދިންނާއި ބަންދު މީހުން އެއަށްވުރެ ރައްކާތެރި އެހެން މާޙައުލަކަށް ބަދަލުކުރުމަށް އަންގާފައިވާތީ ރަސްމީކޮށް އެނެކްސް ބަންދުކޮށް އެވަގުތު އެތަނުގައިތިބި ޤައިދީންނާއި ބަންދު މީހުން ޖަލުގެ އެހެނިހެން ޔުނިޓްތަކަށް ބަދަލުކޮށްފައިވީނަމަވެސް، އެނެކްސް ބައިގައި ހުރި ގޮޅިތައް އެއްވެސް މަރާމާތުކުރުމެއްނެތި އެހެނިހެން ކަންކަމުގައި މީހުން ބަންދު ކުރުމަށް ބޭނުން ކުރަމުންދާކަންވެސް އެޗައާރުސީއެމްގެ ބަޔާނުގައިވެއެވެ.
މީގެއިތުރުން ޖަލުގ ޖާގައަށްވުރެ ގިނައިން ޖަލުގައި މީހުން ބަންދުކޮށްފައި ތިބިކަމަށާއި އެނެކްސް ބަންދުކުރުމަށްފަހު އެ ބައިގައި ތިބި އުމުރުން ދުވަސްވީ މީހުން، ޖަލުގެ މެޑިކަލް ބައިގެ ވޯޑުގައި ބައިތިއްބާފައި ތިބިކަމަށްވެސް އެޗްއާރުސީއެމްގެ ބަޔާނުގައިވެއެވެ. އަދި ސިއްޙީ ގިނަ މައްސަލަތަކެއް ޖަލުގެ ތެރޭގައި ހުރިކަން ފާހަގަކުރެވިފައިވުމާއެކު ބަންދު މީހުންގެ ސިއްޙަތާ ގުޅުންހުރި 30 މައްސަލައެއް ތަހުޤީޤުކުރަމުންދާކަމަށްވެސް އެޗްއާރުސީއެމުން ބުނެއެވެ.
" ޖަލުގައި ބަންދުގައި ތިބޭ ބިދޭސީންނަށް އެމީހުން ނިސްބަތްވާ ޤައުމުތަކުގައި ނުރައްކާތެރި ހާދިސާތަކާއި ކުއްލި ޙާލަތްތަކުގައިވެސް އާއިލާގެ ޙާލު އޮޅުންފިލުވޭނެ ފަދަ އިންތިޒާމެއް ހަމަޖެހިފައިނުވާކަމާއި، މުވައްޒަފުން މަދުވުމުގެ ސަބަބުން ބަންދުގައި ތިބޭ މީހުން ޔާޑަށް ހިނގާ ކަސްރަތުކުރުމަށް ނުނެރޭކަމާއި، ކެއުންބުއިމަށްދޭ ތަކެތީގެ ފެންވަރު ދަށްކަމާއި، 2011 2014 އަދި 2017 ވަނަ އަހަރު ޖަލަށް ކޮށްފައިވާ ޒިޔާރަތްތަކުގެ ރިޕޯޓުތަކުގައި ފާހަގަކޮށް އިޞްލާޙްކުރުމަށް ހުށަހަޅާފައިވާ ގިނަ ކަންތައްތަކެއް މި ޒިޔާރަތުގައިވެސް އިޞްލާޙުނުކުރެވިހުރިކަން ފާހަގަކުރެވިފައިވޭ. " އެޗްއާރުސީއެމްގެ ބަޔާނުގައިވެއެވެ.
މާލޭ ޖަލުގެ އެނެކްސް އެކެއްގައި ގައިދީން ބަންދުކުރަމުންދާކަމަށް އެޗްއާރސީއެމުން ބުނެފައި މިވަނީ އެތަނުގައި ހުރި މައްސަލަތައް ރަގަޅުކޮށް ބައިނަލް އަޤްވާމީ އުސޫލުތަކާއި އެއްގޮތަށް ޤައިދީން ބޭތިއްބުމަށް އިމާރާތެއް ބިނާކުރުމަށްޓަކައި އެތަން ބަންދުކުރިކަން ކަރެކްޝަނަސް ސާރވިސް އިން މިދިޔަ އޭޕްރިލަ މަހުގެ ތެރޭގައި ހާމަކޮށްފައިވަނިކޮށެވެ.
ޖަލުގެ ހާލަތު އިންސާނުން ބަންދުކޮށްގެން ގެންގުޅުން އެކަށީގެން ނުވާ ހާލަތަށް ގޮސްފައިވާކަމަށް ޖަލުތައް އޮޑިޓް ކުރުމަށް އެކުލަވާލި ކޮމެޓީން ނެރުނު ރިޕޯޓްގައިވެސް ފާހަގަކޮށްފައިއެވެ.
މީގެއިތުރުން ޖަލުގ ޖާގައަށްވުރެ ގިނައިން ޖަލުގައި މީހުން ބަންދުކޮށްފައި ތިބިކަމަށާއި އެނެކްސް ބަންދުކުރުމަށްފަހު އެ ބައިގައި ތިބި އުމުރުން ދުވަސްވީ މީހުން، ޖަލުގެ މެޑިކަލް ބައިގެ ވޯޑުގައި ބައިތިއްބާފައި ތިބިކަމަށްވެސް އެޗްއާރުސީއެމްގެ ބަޔާނުގައިވެއެވެ. އަދި ސިއްޙީ ގިނަ މައްސަލަތަކެއް ޖަލުގެ ތެރޭގައި ހުރިކަން ފާހަގަކުރެވިފައިވުމާއެކު ބަންދު މީހުންގެ ސިއްޙަތާ ގުޅުންހުރި 30 މައްސަލައެއް ތަހުޤީޤުކުރަމުންދާކަމަށްވެސް އެޗްއާރުސީއެމުން ބުނެއެވެ.
" ޖަލުގައި ބަންދުގައި ތިބޭ ބިދޭސީންނަށް އެމީހުން ނިސްބަތްވާ ޤައުމުތަކުގައި ނުރައްކާތެރި ހާދިސާތަކާއި ކުއްލި ޙާލަތްތަކުގައިވެސް އާއިލާގެ ޙާލު އޮޅުންފިލުވޭނެ ފަދަ އިންތިޒާމެއް ހަމަޖެހިފައިނުވާކަމާއި، މުވައްޒަފުން މަދުވުމުގެ ސަބަބުން ބަންދުގައި ތިބޭ މީހުން ޔާޑަށް ހިނގާ ކަސްރަތުކުރުމަށް ނުނެރޭކަމާއި، ކެއުންބުއިމަށްދޭ ތަކެތީގެ ފެންވަރު ދަށްކަމާއި، 2011 2014 އަދި 2017 ވަނަ އަހަރު ޖަލަށް ކޮށްފައިވާ ޒިޔާރަތްތަކުގެ ރިޕޯޓުތަކުގައި ފާހަގަކޮށް އިޞްލާޙްކުރުމަށް ހުށަހަޅާފައިވާ ގިނަ ކަންތައްތަކެއް މި ޒިޔާރަތުގައިވެސް އިޞްލާޙުނުކުރެވިހުރިކަން ފާހަގަކުރެވިފައިވޭ. " އެޗްއާރުސީއެމްގެ ބަޔާނުގައިވެއެވެ.
މާލޭ ޖަލުގެ އެނެކްސް އެކެއްގައި ގައިދީން ބަންދުކުރަމުންދާކަމަށް އެޗްއާރސީއެމުން ބުނެފައި މިވަނީ އެތަނުގައި ހުރި މައްސަލަތައް ރަގަޅުކޮށް ބައިނަލް އަޤްވާމީ އުސޫލުތަކާއި އެއްގޮތަށް ޤައިދީން ބޭތިއްބުމަށް އިމާރާތެއް ބިނާކުރުމަށްޓަކައި އެތަން ބަންދުކުރިކަން ކަރެކްޝަނަސް ސާރވިސް އިން މިދިޔަ އޭޕްރިލަ މަހުގެ ތެރޭގައި ހާމަކޮށްފައިވަނިކޮށެވެ.
ޖަލުގެ ހާލަތު އިންސާނުން ބަންދުކޮށްގެން ގެންގުޅުން އެކަށީގެން ނުވާ ހާލަތަށް ގޮސްފައިވާކަމަށް ޖަލުތައް އޮޑިޓް ކުރުމަށް އެކުލަވާލި ކޮމެޓީން ނެރުނު ރިޕޯޓްގައިވެސް ފާހަގަކޮށްފައިއެވެ.