ފުލުހުންނަށް ފިލަން ފެރީއިން ފުންމާލި މީހާ އަދިވެސް ނުފެންނަކަމަށާ ނަމަވެސް ބަންޑުންޖަހާލި ޑިންގީން ކަނޑުވި މީހުން ފެނިފައިވާކަމަށް ފުލުހުން ބުނެފިއެވެ.
ފުލުހުން ބުނީ ގއ.ކަނޑުހުޅުދުއަށް ދިޔަ ފެރީއަކުން މަސްތުވާތަކެތި ގެންދާކަމުގެ މަޢުލޫމާތު ލިބިގެން އެރަށުގައި ހަރަކާތްތެރިވަމުންދިޔަ ފުލުހުންނަށް ފިލަންވެގެން އެ ފެރީން ކަނޑަށް ފުންމާލި މީހާ ހޯދުމުގެ މަސައްކަތް އަދިވެސް ކުރަމުުންދާކަމަށެވެ. އަދި އެމީހާ ހޯދުމަށް ދިޔަ ޑިންގީ ބަންޑުންޖަހާލައި ހިނގި ހާދިސާގައި ކަނޑުވި 3 މީހުން މިހާރު ހޯދާފައިވާކަމަށެވެ.
ފުލުހުން ބުނީ ޑިންގީ ބަންޑުންޖަހާލި ހާދިސާގައި ކަނޑުވި މީހުންގެ ތެރެއިން އެކަކު ފަތާފައި މާވަރުލަށް އެރިކަމަށާ އަދި އެކަކު ކަނޑުހުޅުދޫގެ ދޯންޏަކަށް އަރާފައިވާކަމަށެވެ.
ޕީއެސްއެމް ނިއުސްއަށް މައުލޫމާތުދެއްވަމުން ޕޮލިސް މީޑީއާއިން ބުނީ ފެރީން ފުންމާލި މީހާ ހޯދުމުގެ މަސައްކަތް ކުރަމުންދާކަމަށާ އޭނާ ފުންމާލާފައިވަނީ ކަނޑުހުޅުދޫ ކައިރީގައި އޮންނަ ފަޅުރަށެއްކަމަށްވާ މާވާރުލު ކައިރިއަށް ކަމަށެވެ.