މާލެގެ މަގުތަކުގައި ފުލުހުން ހިންގި އޮޕަރޭޝަނެއްގެ ތެރެއިން- ފައިލް ފޮޓޯ:ޕޮލިސް މީޑިއާ
މާލޭގައި މިއަދު ހަވީރު ހިންގި މާރާމާރީއެއް ހުއްޓުވުމަށް ދިޔަ ފުލުހުންނަށް ހަމަލާދީފިއެވެ.
މިއަދު ހަވީރު 16:15 ހާއިރު ޝަހީދު ޢަލީ ގޯޅީގައި ހިންގި މި މާރާމާރީއާ ގުޅިގެން ފުލުހުން ވަނީ 3 ޒުވާނަކު ހައްޔަރުކޮށްފައެވެ. ފުލުހުން ބުނީ މި މާރާމާރީ ހުއްޓުވުމަށް ދިޔަ ފުލުހުންނަށް ހައްޔަރުކުރި މީހުންގެ ތެރެއިން އެކަކު ހަމަލާދީފައިވާކަމަށެވެ. އަދި މި މީހުން ހައްޔަރުކުރި އިރު ތިބީ މަސްތުގެ ހާލަތުގައިކަމަށް ތުހުމަތު ކުރެވޭކަމަށްވެސް ފުލުހުން ބުނެއެވެ.
އަދި މި މާރާމާރީގައި އަނިޔާވި މީހަކަށް ހޮސްޕިޓަލުގައި ފަރުވާދީފައިވާކަމަށްވެސް ފުލުހުން ބުނެއެވެ. މި މާރާމާރީއާ ގުޅިގެން ހައްޔަރުކޮށްފައިވަނީ 22 އަހަރުގެ 2 ފިރިހެނުންނާއި 18 އަހަރުގެ ފިރިހެނެއް ކަމަށް ފުލުހުން މަޢުލޫމާތުދެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ