ރާއްޖޭގައި ހިންގާ ހަމައެކަނި އޮންލައިން ގްރޯސަރީ ސްޕަރމާކެޓް "އީޓް ޑޮޓް އެމްވީ" އިން ޙިދުމަތްދޭން ފެށީތާ އެއްމަސް ހަމަވިއިރު ހާހަކަށް ވުރެ ގިނަ އޯޑަރު ޑެލިވަރ ކޮށްދީފައިވާކަމަށް އީޓް ޑޮޓް އެމްވީ އިން ބުނެއެވެ.
ރާއްޖެއަށް އަލަށް ތައާރަފްކުރި އޮންލައިން ގްރޮސަރީ ޕްލެޓްފޯމް އީޓް ޑޮޓް އެމްވީ އަކީ ރާއްޖޭގެ ބޮޑެތި ސުޕަމާކެޓް ތަކުގެ މުދާ އޮންލައިންކޮށް ގަނެވޭ ވެބްސައިޓެކެވެ. މިތަނުން ގަންނަ ތަކެތި ކަސްޓަމަރުންނާއި ހަމައަށް ޑެލިވަރ ކޮށްދެއެވެ. އީޓް ޑޮޓް އެމްވީން އަދި ހަމައެކަނި ޚިދުމަތްދެނީ މާލެ ސަރަހައްދަށެވެ.
އީޓް ޑޮޓް އެމްވީ މެދުވެރިކޮށް ކަސްޓަމަރުންނަށް 2000 އާއި ގާތްކުރާ އަދަދަކަށް އުފެއްދުންތައް ގަނެވެއެވެ. މީގެ ތެރޭގައި މޭވާ، ތަރުކާރީ، ގޭތެރެއަށް ބޭނުންވާ ސާމާނާއި، ޒިނަތްތެރިވުމަށް ބޭނުންކުރާ ސާމާނާއި، އޮފީހަށް ބޭނުންވާ ސާމާނު ހިމެނެއެވެ.
ރާއްޖޭގައި އޮންލައިން ވިޔަފާރި ހަލުވި ސްޕީޑްގައި މިހާރު އަންނަނީ ކުރިއަރަމުންނެވެ. އީޓް ޑޮޓް އެމްވީގެ ބަލަދުވެރި ކުންފުނި ލަނިއަކަ ޓްރޭޑްގެ ސީ.އީ.އޯ ފްރާތު މުޙައްމަދު ވިދާޅުވީ، އީޓް ޑޮޑް އެމްވީ، އަކީ ބިޒީ ސެޑިއުލްގައި މަސައްކަތްކުރާ މީހުންނަށާއި ތަކެތި ގަތުމަށް ބާޒާރަށް ދާންބޭނުންނުވާ މީހުނަށް އެންމެ ރަނގަޅު އެއް ޕްލެޓްފޯމްކަމަށެވެ. މިވަގުތު މާލޭގައި އީޓް ޑޮޓް އެމްވީބް ޙިދުމަތްދިން ނަމަވެސް ކުރިއަށްއޮތް ތަނުގައި ޙިދުމަތް މުޅި ރާއްޖެއަށް ފުޅާކުރުމަކީ އަމާޒެއްކަމަށް ފްރާތު ވިދާޅުވިއެވެ.