ދިވެހި ސިފައިންގެ ހެވިކަމުގެ ހަރަކާތް މިއަދު ހަވީރު ވިލިމާލޭގައި ބޭއްވުމަށް ނިންމައިފިއެވެ.
ސިފައިންގެ 127 ވަނަ އަހަރީ ދުވަހުގެ މުނާޞަބަތުގައި އެމްއެންޑީއެފް ޑްރިލް ސްކޮޮޑްގެ ހެވިކަން ދައްކާލުން އޮންނާނީ މިއަދު ހަވީރު ހަތަރުގަޑި ތިރީހުގައި ވިލިމާލެ ބަނދަރު ސަރަޙައްދުގަކަަމަށް އެމްއެންޑީއެފުން މަޢުލޫމާތުދެއްވައެވެ. އަދި މާދަމާ ޖުމްހޫރީ މައިދާނުގައިވެސް ހެވިކަމުގެ ހަރަކާތްތައް ދައްކާލުން އޮންނާނެކަމަށް އެންއެންޑީއެފުން ވިދާޅުވެއެވެ. މާދަމާ ޖުމްހޫރީ މައިދާނުގައި ބާއްވާ ހަރަކާތް އޮންނާނީ ހަވީރު 16:45ގައެވެ.
ސިފައިންގެ 127 ވަނަ އަހަރީ ދުވަހުގެ މުނާޞަބަތާއި ގުޅިގެން މާލެއާއި ހުޅުމާލޭގައިވެސް ވަނީ ހެވިކަން ދައްކާލާފައެވެ.
އެމްއެންޑީއެފް ޑްރިލް ސްކޮޑުން ހުށަހަޅައިދޭ ޑްރިލް ޑިސްޕްލޭއަކީ އެއްވެސް ކޮމާންޑެއް ނެތި ހުށަހަޅައިދޭ ހެވިކަމުގެ ހަރަކާތްތަކެކެވެ. މި ޑްރިލް ޑިސްޕްލޭތަކަށް އާންމުންގެ ވަރަށް ބޮޑު ތަރުހީބެއް އަންނަނީ ލިބެމުންނެވެ.