ސިފައިންގެ 127ވަނަ އަހަރީ ދުވަހުގެ ދިދަ ނެގުމުގެ ރަސްމިއްޔާތު ބާއްވައިފިއެވެ. މި ރަސްމިއްޔާތުގައި ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ އިބްރާޙިމް މުޙައްމަދު ސާލިޙްއާއި، ޑިފެންސް މިނިސްޓަރ އަލްއުސްތާޒާ މާރިޔާ ދީދީ ވަނީ ބައިވެރިވެ ވަޑައިގެންނެވިއެވެ.
ކަޅުތުއްކަލާ ކޮށީގައި ބޭއްވި މި ރަސްމިއްޔާތުގައި ސިފައިންގެ އެކި މަޤާމުތަކުގައި މަސައްކަތް ކުރައްވާ ސިފައިންވަނީ ބައިވެރިވެފައެވެ. މި ރަސްމިއްޔާތުގައި ވާހަކަދައްކަވަމުން ޗީފް އޮފް ޑިފެންފޯސް މޭޖަރ ޖެނެރަލް އަބްދުﷲ ޝަމާލް ވިދާޅުވީ މުޅި ދިފާއީ ބާރަކީ ވަރަށް ބަދަހި ގުޅުމެއް އޮންނަ، ކޮންމެ ޙާލަތެއްގައިވެސް އެކީ ނުކުމެ މަސައްކަތް ކުރާނެ ބަދަހި ސަފުތަކެއްކަމަށެވެ. އަދި ރައްޔިތުން ބޭނުންވާ ޤާބިލު މުއައްސަސާއެއްގެ ގޮތުގައި މަސައްކަތް ެ ގޮތުގައި ދެމި އޮންނާނެކަމަށްވެސް ޝަމާލް ވިދާޅުވިއެވެ.
" ސިފައިންގެ މުއައްސަސާއަކީ ރައްޔިތުން ބޭނުންވާ ޤާބިލް މުއައްސާއެއްގެ ގޮތުގައި، ޖޯޝާއި ފޯރިއާއިއެކު މަސައްކަތް ކުރުންމަތީ ދެމިއޮންނަ މުއައްސަސާއަކަށް ހަދާނަން." ޝަމާލް ވިދާޅުވިއެވެ.
މިއަހަރުގެ ސިފައިންގެ ދުވަހުގެ ޝިއާރެއްގެ ގޮތުގައި ކަނޑައަޅާފައިވަނީ " އަސްކަރީ އުސޫލް ނެގެހެއްޓުން، ސަފުތަކުގެ ތަރުތީބު ދެމެހެއްޓުން" މި ޝިއާރެވެ.
ސިފައިންގެ 127 ވަަނަ އަހަރީ ދުވަހުގެ މުނާސަބަތުގައި ރާއްޖޭގެ ހުރިހާ ކަންކޮޅުތަކެއްގައި ހުރި ސިފައިންގެ މަރުކަޒުތަކުގައި ދިދަ ނެގުންވަނީ ކުރިޔަށް ގެންގޮސްފައެވެ. ސިފައިންގެ ޚިދުމަތް ދިވެހިރާއްޖޭގައި ފަށާފައިވަނީ މީލާދީން 1892ވަނަ އޭޕްރިލް ވަނަ އަހަހރުގެ 21ވަނަ ދުވަހުއެވެ.