މާލެގައިހުރި ސްޓެލްކޯގެ ކަރަންޓް ޑިސްޓްރިބިއުޝަން ފޮށިތަކުގެ މަތީގައި މީހުން ބަހައްޓާފައި ހުންނަ ކުންނާއި އެފޮށިތަކުގައި ހިއްޕާފައިވާ ޕޯސްޓަރުތައް ނަގައި ސާފުކުރުމުގެ މަސައްކަތް ސްޓެލްކޯއިން ފަށައިފައެވެ.
މި ހަރަކާތަކީ ސްޓެލްކޯގެ ކަރަންޓް ޑިސްޓްރިބިއުޝަން ފޮށިތަކަކީ ރައްކާތެރި އަދި ސާފުތާހިރު ތަކެއްޗަށް ހެދުމަށް ކުރިއަށްގެންދާ ޙަރަކާތެކެވެ. މި ހަރަކާތް ފަށާފއިވަނީ މިއަދު ހެނދުނު 8 ޖެހިއިރުއެވެ. މިއީ މާލެ ސާފުކުރުމުގެ ޙަރަކާތުގެ ދަށުން މާލޭ ސިޓީ ކައުންސިލްއާ ގުޅިގެން ކުރިއަށްގެންދާ ހަރަކާތެކެވެ.
ސްޓެލްކޯއިން ވިދާޅުވީ މިހަރާކާތުގެ ދަށުން މާލެގައި ހުރި ހުރިހާ ޑިސްޓްރިބިއުޝަން ފޮށިތައް ސާފުކުރުމަށް ހަމަޖެހިފައިވާކަމަށާއި ފުރަތަމަ އިސްކަންދޭނީ ބޮޑެތި މަގުތަކުގައި ހުރި ފޮށިތަކަށްކަމަށެވެ. މިހާތަނަށް މަޖީދީމަގާއި ޗާންދަނީ މަގު ހިމެނޭހެން ގިނަޢަދަދެއްގެ ފޮށިތައް ސާފުކޮށްފައިވަކަމަށް އެ ކުންފުނިން ވިދާޅުވެއެވެ.
ސްޓެލްކޯއިން ވިދާޅުވީ ސާފުކުރުމުގެ ޕްރޮގްރާމް ހިންގާއިރު ފޮށިތަކުގައި ގިނައަދަދެއްގެ ޕޯސްޓަރުތަކާއި ތަފާތު ބާވަތުގެ ކުނިތައް ފޮށިތައް މަތީގައި ބަހައްޓާފައި ހުރިކަމަށެވެ. އަދި މިފަދަ ޢަމަލުތައް ހުއްޓުވުމަށްޓަކައި މުސްތަޤްބަލުގައި ފޮށިތަކުގައި އެފަދަ ތަކެއްތި ނުބެހެއްޓުމާއި ޕޯސްޓަރުފަދަ ތަކެތި ހިއްޕުމަކީ މާނާކަމެއްކަން އަންގާ ނޯޓިސް ހިތްޕާނެކަމަށްވެސް ސްޓެލްކޯއިން ވިދާޅުވެއެވެ.