ސީރިޔާގެ ރެފިއުޖީންގެ ބައެއް (ފައިލް ފޮޓޯ: ޒިންހުއާ)
ވަގު ޕާސްޕޯޓު ބޭނުންކޮށްގެން ރާއްޖެ އެތެރެވި ސީރިއާގެ 9 މީހަކު އަނބުރާ ފޮނުވާލައިފި ކަމަށް ފުލުހުން ބުނެފިއެވެ.އިމިގްރޭޝަނާއި ފުލުހުން ގުޅިގެން މިއަދު ބޭއްވި ނޫސްވެރިންގެ ބައްދަލުވުމެއްގައި، ފުލުހުން ބުނެފައިވަނީ މި ނުވަ މީހުން ރާއްޖެ އެތެރެވެފައިވަނީ އިމިގްރޭޝަންގައި ކުރިން މަސައްކަތްކުރި މީހަކާއި މިހާރު އިމިގްރޭޝަންގައި މަސައްކަތްކުރާ މީހެއްގެ އެހީތެރިކަމާއި އެކުގައި ކަމަށެވެ. އަދި މި މައްސަލަ އާއި ގުޅިގެން މިހާރު މި ދެ ދިވެހިން ފުލުހުންގެ ބެލުމުގެ ދަށަށް ގެނެސްފައިވާކަމަށްވެސް ފުލުހުން ބުނެއެވެ." ސީރިއާއިން ރާއްޖެ އައި މި މީހުންނަކީ ނުރައްކާތެރި ބައެއް ކަމަށް ނުބެލެވޭ. ބޮޑަށް ބެލެވެނީ މި މީހުންނަކީ ހަނގުރާމައިގެ ބިރަށް އެ ޤައުމުން ބޭރަށް ދަތުރުކުރި ބައެއްކަމަށް " ފުލުހުން ބުނެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ