ކަސްޓަމްސްއިން އަތުލައިގަތް މަސްތުވާތަކެތީގެ ޕެކެޓްތަކުގެ ތެރެއިން ޕެކެޓެއް / ފޮޓޯ: ކަސްޓަމްސް
ޕޯސްޓްގެ ޒަރިއްޔާއިން ރާއްޖެ އެތެރެކުރަން އުޅުުނު ގިނަ އަދަދެއްގެ މަސްތުވާތަކެތި ކަސްޓަމްސްއިން އަތުލައިގެންފިއެވެ.
ކަސްޓަމްސްއިން ބުނީ އަތުލައިގެންފައިވަނީ ތަފާތު ފަސް ފަހަރެއްގެ މަތިން ރާއްޖެއެތެރެ ކުރަން އުޅުުނު މަސްތުވާތަކެތިކަމަށާއި އެތަކެތި އަތުލައިގެންފައިވަނީ މިމަހުގެ 10 ވަނަ ދުވަހުކަމަށެވެ. ޔޫރަޕްގެ ޤައުމުތަކަކުން އެތެރެކޮށްފައިވާ މިތަކެތީގެ ބަރުދަނުގައި 111 ގްރާމް ހުރިއިރު، މިއީ އެމްޑީއެމްއޭ ނަމަކަށްކިޔާ މަސްތުވާތަކެތީގެ ބާވަތެއްކަމަށް ކަސްޓަމްސްއިން ބުނެއެވެ.
މިމައްސަލަ ތަހުޤީޤްކުރުމަށް ފުލުހުންނާ ޙަވާލުކޮށްފައިވާއިރު، މިމައްސަލައާ ގުޅިގެން މީހަކު ހައްޔަރުކޮށްފައިވޭތޯ ނުވަތަ ނޫންތޯ ކަސްޓަމްސްއިން ހާމަކޮށްފައެއް ނުވެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ