މަޝްހޫރު ފްރެންޗައިޒް ދަ ޕިއްޒާ ކޮމްޕެނީން ސްނޯވީ ޗޮކޯ ޕިއްޒާ ތައާރަފްކޮށްފިއެވެ.
މި ޕިއްޒާއަކީ، ނަޓެއްލާ، މާޝްމެލޯ، އަލްމަންޑްނަޓްސްގެ އިތުރުން ޗޮކްލެޓް ބްރައުނީ ހިމަނައިގެން ތައްޔާރުކޮށްފައިވާ ޑެޒާޓް ޕިއްޒާއެކެވެ. ދަ ޕިއްޒާ ކޮމްޕެނީން ބުނީ، ސްނޯވީ ޗޮކޯ ޕިއްޒާ އަކީ އަދި ރާއްޖޭގެ މާކެޓަށް އާ ރަހައެއްކަމަށެވެ.
ޕިއްޒާ ކޮމްޕެނީން ބުނީ، މިއީ ހާއްސަގޮތެއްގައި ކުޑަކުދިންނަށް ކަމުދާނޭ ޕިއްޒާއަކަށް ވެގެންދާނޭކަމަށެވެ. ޕިއްޒާ ކޮމްޕެނީން ވަނީ މީގެކުރިންވެސް ތަފާތު ރަހަތަކުގެ ޕިއްޒާ ތައާރަފްކޮށްފައެވެ
ދަ ޕިއްޒާ ކޮމްޕެނީގެ އައުޓްލެޓްތައް ދުނިޔޭގެ އެކި ޤައުމުތަކުގައި ހުންނައިރު، ރާއްޖޭގައި ޕިއްޒާ ކޮމްޕެނީ ހިންގަނީ މައިނާ ފުޑް ގްރޫޕުންނެވެ.
މި ގްރޫޕްގެ ދަށުން ރާއްޖޭގައި 5 ފްރެންޗައިޒެއް ހިންގަމުން ދެއެވެ. އޭގެ ތެރޭގައި ހިމެނެނީ، ދަ ޕިއްޒާ ކޮމްޕެނީގެ އިތުރުން، ދަ ކޮފީ ކްލަބް، ތައި އެކްސްޕްރެސް، ޑެއިރީ ކްއީން އަދި ބާގަރ ކިންގެވެ.